اب کے ہم بچھڑے تو شاید کبھی خوابوں میں ملیں
جس طرح سوکھے ہوئے پھول کتابوں میں ملیں

ab ke hum bichhde to shayad kabhi khwabon mein milen
jis tarah sookhe hue phool kitabon mein milen

अब के हम बिछड़े तो शायद कभी ख़्वाबों में मिलें
जिस तरह सूखे हुए फूल किताबों में मिलें

ڈھونڈ اجڑے ہوئے لوگوں میں وفا کے موتی
یہ خزانے تجھے ممکن ہے خرابوں میں ملیں

dhoond ujde hue logon mein wafa ke moti
ye khazane tujhe mumkin hai kharabon mein milen

ढूँड उजड़े हुए लोगों में वफ़ा के मोती
ये ख़ज़ाने तुझे मुमकिन है ख़राबों में मिलें

غم دنیا بھی غم یار میں شامل کر لو
نشہ بڑھتا ہے شرابیں جو شرابوں میں ملیں

gham-e-duniya bhi gham-e-yaar mein shaamil kar lo
nasha badhta hai sharabein jo sharabon mein milen

ग़म-ए-दुनिया भी ग़म-ए-यार में शामिल कर लो
नशा बढ़ता है शराबें जो शराबों में मिलें

تو خدا ہے نہ مرا عشق فرشتوں جیسا
دونوں انساں ہیں تو کیوں اتنے حجابوں میں ملیں

too khuda hai na mera ishq farishton jaisa
donon insaan hain to kyun itne hijabon mein milen

तू ख़ुदा है न मिरा इश्क़ फ़रिश्तों जैसा
दोनों इंसाँ हैं तो क्यों इतने हिजाबों में मिलें

آج ہم دار پہ کھینچے گئے جن باتوں پر
کیا عجب کل وہ زمانے کو نصابوں میں ملیں

aaj hum daar pe kheenche gaye jin baaton par
kya ajab kal wo zamane ko nisabon mein milen

आज हम दार पे खींचे गए जिन बातों पर
क्या अजब कल वो ज़माने को निसाबों में मिलें

اب نہ وہ میں نہ وہ تو ہے نہ وہ ماضی ہے فرازؔ
جیسے دو شخص تمنا کے سرابوں میں ملیں

ab na wo main na wo too hai na wo maazi hai faraz
jaise do shakhs tamanna ke sarabon mein milen

अब न वो मैं न वो तू है न वो माज़ी है फ़राज़
जैसे दो शख़्स तमन्ना के सराबों में मिलें