غم دنیا سے گر پائی بھی فرصت سر اٹھانے کی
فلک کا دیکھنا تقریب تیرے یاد آنے کی

Gham-e-duniya se gar paai bhi fursat sar uthane ki
Falak ka dekhna taqreeb tere yaad aane ki

ग़म-ए-दुनिया से गर पाई भी फ़ुर्सत सर उठाने की
फ़लक का देखना तक़रीब तेरे याद आने की

کھلے گا کس طرح مضموں مرے مکتوب کا یارب
قسم کھائی ہے اس کافر نے کاغذ کے جلانے کی

Khulega kis tarah mazmoon mere maktoob ka ya Rab
Qasam khaai hai us kaafir ne kaaghaz ke jalaane ki

खुलेगा किस तरह मज़मूँ मेरे मकतूब का या रब
क़सम खाई है उस काफ़िर ने काग़ज़ के जलाने की

لپٹنا پرنیاں میں شعلۂ آتش کا پنہاں ہے
ولے مشکل ہے حکمت دل میں سوز غم چھپانے کی

Lipatna parniyaan mein shola-e-aatish ka pinhaan hai
Wale mushkil hai hikmat dil mein soz-e-gham chhupaane ki

लिपटना परनियाँ में शोला-ए-आतिश का पिन्हाँ है
वले मुश्किल है हिकमत दिल में सोज़-ए-ग़म छुपाने की

انہیں منظور اپنے زخمیوں کا دیکھ آنا تھا
اٹھے تھے سیر گل کو دیکھنا شوخی بہانے کی

Unhein manzoor apne zakhmiyon ka dekh aana tha
Uthe the sair-e-gul ko dekhna shokhi bahaane ki

उन्हें मंज़ूर अपने ज़ख़्मियों का देख आना था
उठे थे सैर-ए-गुल को देखना शोख़ी बहाने की

ہماری سادگی تھی التفات ناز پر مرنا
ترا آنا نہ تھا ظالم مگر تمہید جانے کی

Hamaari saadgi thi iltifaat-e-naaz par marna
Tera aana na tha zaalim magar tamheed jaane ki

हमारी सादगी थी इल्तिफ़ात-ए-नाज़ पर मरना
तिरा आना न था ज़ालिम मगर तम्हीद जाने की

لکد کوب حوادث کا تحمل کر نہیں سکتی
مری طاقت کہ ضامن تھی بتوں کی ناز اٹھانے کی

Lakad-kob-e-hawadis ka tahammul kar nahin sakti
Miri taaqat ki zaamin thi buton ki naaz uthaane ki

लकद-कोब-ए-हवादिस का तहम्मुल कर नहीं सकती
मिरी ताक़त कि ज़ामिन थी बुतों की नाज़ उठाने की

کہوں کیا خوبی اوضاع ابنائے زماں غالبؔ
بدی کی اس نے جس سے ہم نے کی تھی بارہا نیکی

Kahun kya khoobi-e-auzaa-e-abna-e-zamaan Ghalib
Badi ki us ne jis se hum ne ki thi baarha neki

कहूँ क्या ख़ूबी-ए-औज़ा-ए-अब्ना-ए-ज़माँ 'ग़ालिब'
बदी की उस ने जिस से हम ने की थी बारहा नेकी