ہم بھی شاعر تھے کبھی جان سخن یاد نہیں
تجھ کو بھولے ہیں تو دل داریٔ فن یاد نہیں

hum bhi shair the kabhi jaan-e-sukhan yaad nahin
tujh ko bhoole hain to dil-daari-e-fan yaad nahin

हम भी शायर थे कभी जान-ए-सुख़न याद नहीं
तुझ को भूले हैं तो दिल-दारी-ए-फ़न याद नहीं

دل سے کل محو تکلم تھے تو معلوم ہوا
کوئی کاکل کوئی لب کوئی دہن یاد نہیں

dil se kal mahv-e-takallum the to maaloom hua
koi kaakul koi lab koi dahan yaad nahin

दिल से कल महव-ए-तकल्लुम थे तो मालूम हुआ
कोई काकुल कोई लब कोई दहन याद नहीं

عقل کے شہر میں آیا ہے تو یوں گم ہے جنوں
لب گویا کو بھی بے ساختہ پن یاد نہیں

aql ke shehar mein aaya hai to yoon gum hai junoon
lab-e-goya ko bhi be-saakhtapan yaad nahin

अक़्ल के शहर में आया है तो यूँ गुम है जुनूँ
लब-ए-गोया को भी बे-साख़्तापन याद नहीं

اول اول تو نہ تھے واقف آداب قفس
اور اب رسم و رہ اہل چمن یاد نہیں

avval avval to na the waaqif-e-aadaab-e-qafas
aur ab rasm-o-rah-e-ahl-e-chaman yaad nahin

अव्वल अव्वल तो न थे वाक़िफ़-ए-आदाब-ए-क़फ़स
और अब रस्म-ओ-रह-ए-अहल-ए-चमन याद नहीं

ہر کوئی ناوک و ترکش کی دکاں پوچھتا ہے
کسی گاہک کو مگر اپنا بدن یاد نہیں

har koi naavak-o-tarkash ki dukaan poochhta hai
kisi gaahak ko magar apna badan yaad nahin

हर कोई नावक-ओ-तरकश की दुकाँ पूछता है
किसी गाहक को मगर अपना बदन याद नहीं

وقت کس دشت فراموشی میں لے آیا ہے
اب ترا نام بھی خاکم بدہن یاد نہیں

waqt kis dasht-e-faraamoshi mein le aaya hai
ab tira naam bhi khaakam-ba-dahan yaad nahin

वक़्त किस दश्त-ए-फ़रामोशी में ले आया है
अब तिरा नाम भी ख़ाकम-ब-दहन याद नहीं

یہ بھی کیا کم ہے غریب الوطنی میں کہ فرازؔ
ہم کو بے مہرئ ارباب وطن یاد نہیں

yeh bhi kya kam hai ghareeb-ul-watani mein ki faraz
hum ko be-mehri-e-arbaab-e-watan yaad nahin

ये भी क्या कम है ग़रीब-उल-वतनी में कि फ़राज़
हम को बे-मेहरी-ए-अरबाब-ए-वतन याद नहीं