جس جا نسیم شانہ کش زلف یار ہے
نافہ دماغ آہوئے دشت تتار ہے

Jis ja naseem shaana-kash-e-zulf-e-yaar hai
Naafa dimaagh-e-aahu-e-dasht-e-tataar hai

जिस जा नसीम शाना-कश-ए-ज़ुल्फ़-ए-यार है
नाफ़ा दिमाग़-ए-आहू-ए-दश्त-ए-ततार है

کس کا سراغ جلوہ ہے حیرت کو اے خدا
آئینہ فرش شش جہت انتظار ہے

Kis ka suraagh-e-jalwa hai hairat ko ae khuda
Aaina farsh-e-shash-jihat-e-intezaar hai

किस का सुराग़-ए-जल्वा है हैरत को ऐ ख़ुदा
आईना फ़र्श-ए-शश-जिहत-ए-इंतिज़ार है

ہے ذرہ ذرہ تنگئ جا سے غبار شوق
گر دام یہ ہے وسعت صحرا شکار ہے

Hai zarra zarra tangi-e-ja se ghubaar-e-shauq
Gar daam yeh hai vus'at-e-sahra shikaar hai

है ज़र्रा ज़र्रा तंगी-ए-जा से ग़ुबार-ए-शौक़
गर दाम ये है वुस'अत-ए-सहरा शिकार है

دل مدعی و دیدہ بنا مدعا علیہ
نظارہ کا مقدمہ پھر رو بکار ہے

Dil mudda'i o deeda bana mudda'a 'alaih
Nazaare ka muqadma phir roo-ba-kaar hai

दिल मुद्दई ओ दीदा बना मुद्दआ 'अलैह
नज़ारे का मुक़दमा फिर रू-ब-कार है

چھڑکے ہے شبنم آئینۂ برگ گل پر آب
اے عندلیب وقت وداع بہار ہے

Chhidke hai shabnam aaina-e-barg-e-gul par aab
Ae 'andaleeb waqt-e-widaa'-e-bahaar hai

छिड़के है शबनम आईना-ए-बर्ग-ए-गुल पर आब
ऐ 'अंदलीब वक़्त-ए-विदा'-ए-बहार है

پچ آ پڑی ہے وعدۂ دلدار کی مجھے
وہ آئے یا نہ آئے پہ یاں انتظار ہے

Pach aa padi hai wa'da-e-dildaar ki mujhe
Woh aaye ya na aaye pe yaan intezaar hai

पच आ पड़ी है वा'दा-ए-दिलदार की मुझे
वो आए या न आए पे याँ इंतिज़ार है

بے پردہ سوئے وادی مجنوں گزر نہ کر
ہر ذرہ کے نقاب میں دل بیقرار ہے

Be-parda soo-e-waadi-e-majnoon guzar na kar
Har zarre ke naqaab mein dil beqaraar hai

बे-पर्दा सू-ए-वादी-ए-मजनूँ गुज़र न कर
हर ज़र्रे के नक़ाब में दिल बेक़रार है

اے عندلیب یک کف خس بہر آشیاں
طوفان آمد آمد فصل بہار ہے

Ae 'andaleeb yak kaf-e-khas bahr-e-aashiyaan
Toofaan aamad aamad-e-fasl-e-bahaar hai

ऐ 'अंदलीब यक कफ़-ए-ख़स बहर-ए-आशियाँ
तूफ़ान आमद आमद-ए-फ़स्ल-ए-बहार है

دل مت گنوا خبر نہ سہی سیر ہی سہی
اے بے دماغ آئینہ تمثال دار ہے

Dil mat ganwa khabar na sahi sair hi sahi
Ae be-dimaagh aaina timsaal-daar hai

दिल मत गँवा ख़बर न सही सैर ही सही
ऐ बे-दिमाग़ आईना तिमसाल-दार है

غفلت کفیل عمر و اسدؔ ضامن نشاط
اے مرگ ناگہاں تجھے کیا انتظار ہے

Ghaflat kafeel-e-'umr o Asad zaamin-e-nishaat
Ae marg-e-naagahaan tujhe kya intezaar hai

ग़फ़्लत कफ़ील-ए-'उम्र ओ असद ज़ामिन-ए-निशात
ऐ मर्ग-ए-नागहाँ तुझे क्या इंतिज़ार है