لحد اور حشر میں یہ فرق کم پائے نہیں جاتے
یہاں دھوپ آ نہیں سکتی وہاں سائے نہیں جاتے

lahad aur hashr mein yeh farq kam paaye nahin jaate
yahaan dhoop aa nahin sakti wahaan saaye nahin jaate

लहद और हशर में ये फ़र्क़ कम पाए नहीं जाते
यहाँ धूप आ नहीं सकती वहाँ साए नहीं जाते

کسی محفل میں بھی ایسے چلن پائے نہیں جاتے
کہ بلوائے ہوئے مہمان اٹھوائے نہیں جاتے

kisi mehfil mein bhi aise chalan paaye nahin jaate
keh bulwaaye hue mehmaan uthwaaye nahin jaate

किसी महफ़िल में भी ऐसे चलन पाए नहीं जाते
कि बुलवाए हुए मेहमान उठवाए नहीं जाते

زمیں پر پاؤں رکھنے دے انہیں اے ناز یکتائی
کہ اب نقش قدم ان کے کہیں پائے نہیں جاتے

zameen par paaoon rakhne de unhein ae naaz-e-yektaai
keh ab naqsh-e-qadam un ke kaheen paaye nahin jaate

ज़मीं पर पाँव रखने दे उन्हें ऐ नाज़-ए-यक्ताई
कि अब नक़्श-ए-क़दम उन के कहीं पाए नहीं जाते

تجھے اے دیدۂ تر فکر کیوں ہے دل کے زخموں کی
کہ بے شبنم کے بھی یہ پھول مرجھائے نہیں جاتے

tujhe ae deeda-e-tar fikr kyun hai dil ke zakhmon ki
keh be-shabnam ke bhi yeh phool murjhaaye nahin jaate

तुझे ऐ दीदा-ए-तर फ़िक्र क्यों है दिल के ज़ख़्मों की
कि बे-शबनम के भी ये फूल मुरझाए नहीं जाते

جنوں والوں کو کیا سمجھاؤ گے یہ وہ زمانہ ہے
خرد والے خرد والوں سے سمجھائے نہیں جاتے

junoon waalon ko kya samjhaoge yeh woh zamana hai
khirad waale khirad waalon se samjhaaye nahin jaate

जुनूँ वालों को क्या समझाओगे ये वो ज़माना है
ख़िरद वाले ख़िरद वालों से समझाए नहीं जाते

وقار عشق یوں بھی شمع کی نظروں میں کچھ کم ہے
پتنگے خود چلے آتے ہیں بلوائے نہیں جاتے

waqaar-e-ishq yoon bhi shama ki nazron mein kuch kam hai
patange khud chale aate hain bulwaaye nahin jaate

वक़ार-ए-इश्क़ यूँ भी शम्अ की नज़रों में कुछ कम है
पतंगे ख़ुद चले आते हैं बुलवाए नहीं जाते

فضیلت ہے یہ انساں کی وہاں تک جا پہنچتا ہے
فرشتے کیا فرشتوں کے جہاں سائے نہیں جاتے

fazeelat hai yeh insaan ki wahaan tak ja pahunchta hai
farishte kya farishton ke jahaan saaye nahin jaate

फ़ज़ीलत है ये इंसाँ की वहाँ तक जा पहुँचता है
फ़रिश्ते क्या फ़रिश्तों के जहाँ साए नहीं जाते

بس اتنی بات پر چھینی گئی ہے رہبری ہم سے
کہ ہم سے کارواں منزل پہ لٹوائے نہیں جاتے

bas itni baat par chheeni gayi hai rahbari hum se
keh hum se kaarwaan manzil pe lutwaaye nahin jaate

बस इतनी बात पर छीनी गई है रहबरी हम से
कि हम से कारवाँ मंज़िल पे लुटवाए नहीं जाते

قمرؔ کی صبح فرقت پوچھئے سورج کی کرنوں سے
ستارے تو گواہی کے لئے آئے نہیں جاتے

qamar ki subh-e-furqat poochiye sooraj ki kirnon se
sitare to gawaahi ke liye aaye nahin jaate

क़मर की सुब्ह-ए-फ़ुरक़त पूछिए सूरज की किरनों से
सितारे तो गवाही के लिए आए नहीं जाते