یہ غنیمت ہے کہ ان آنکھوں نے پہچانا ہمیں
کوئی تو سمجھا دیار غیر میں اپنا ہمیں

Yeh ghanimat hai ke un aankhon ne pehchana hamein
Koi to samjha diyar-e-ghair mein apna hamein

ये ग़नीमत है कि उन आँखों ने पहचाना हमें
कोई तो समझा दियार-ए-ग़ैर में अपना हमें

وصل میں تیرے خرابے بھی لگیں گھر کی طرح
اور تیرے ہجر میں بستی بھی ویرانہ ہمیں

Wasl mein tere kharabe bhi lagein ghar ki tarah
Aur tere hijr mein basti bhi veerana hamein

वस्ल में तेरे ख़राबे भी लगें घर की तरह
और तेरे हिज्र में बस्ती भी वीराना हमें

وہ کہ جن کے ہاتھ میں تقدیر فصل گل رہی
دے گئے سوکھے ہوئے پتوں کا نذرانہ ہمیں

Woh ke jin ke haath mein taqdeer fasl-e-gul rahi
De gaye sookhe hue patton ka nazrana hamein

वो कि जिन के हाथ में तक़दीर फ़स्ल-ए-गुल रही
दे गए सूखे हुए पत्तों का नज़राना हमें

سچ تمہارے سارے کڑوے تھے مگر اچھے لگے
پھانس بن کر رہ گیا بس ایک افسانہ ہمیں

Sach tumhare saare karwe the magar achhe lage
Phaans ban kar reh gaya bas ek afsaana hamein

सच तुम्हारे सारे कड़वे थे मगर अच्छे लगे
फाँस बन कर रह गया बस एक अफ़साना हमें

جن کی خاطر کشتیاں ہم نے جلا ڈالیں تمام
اب وہی کم مائیگی کا دے گئے طعنہ ہمیں

Jin ki khaatir kashtiyan hum ne jala daaleen tamaam
Ab wohi kam-maayegi ka de gaye ta'ana hamein

जिन की ख़ातिर कश्तियाँ हम ने जला डालीं तमाम
अब वही कम-माएगी का दे गए ता'ना हमें

سنتے ہیں قیمت تمہاری لگ رہی ہے آج کل
سب سے اچھے دام کس کے ہیں یہ بتلانا ہمیں

Sunte hain qeemat tumhari lag rahi hai aaj kal
Sab se achhe daam kis ke hain yeh batlaana hamein

सुनते हैं क़ीमत तुम्हारी लग रही है आज कल
सब से अच्छे दाम किस के हैं ये बतलाना हमें

تاکہ اس خوش بخت تاجر کو مبارک باد دیں
اور اس کے بعد دل کو بھی ہے سمجھانا ہمیں

Taake uss khush-bakht taajir ko mubarak-baad dein
Aur uss ke baad dil ko bhi hai samjhaana hamein

ताकि उस ख़ुश-बख़्त ताजिर को मुबारकबाद दें
और उस के बाद दिल को भी है समझाना हमें

اجنبی لوگوں میں ہو تم اور اتنی دور ہو
ایک الجھن سی رہا کرتی ہے روزانہ ہمیں

Ajnabi logon mein ho tum aur itni door ho
Ek uljhan si raha karti hai rozana hamein

अजनबी लोगों में हो तुम और इतनी दूर हो
एक उलझन सी रहा करती है रोज़ाना हमें