آنکھوں میں نمی آئی چہرے پہ ملال آیا
اے جلوۂ محبوبی جب تیرا خیال آیا

Aankhon mein nami aayi chehre pe malaal aaya
Ae jalwa-e-mehboobi jab tera khayal aaya

आँखों में नमी आई चेहरे पे मलाल आया
ऐ जलवा-ए-महबूबी जब तेरा ख़याल आया

تھا ان کی توجہ میں ہر جذب طلب میرا
ہر چند مؤدب تھی جب میرا سوال آیا

Tha un ki tawajjah mein har jazb-e-talab mera
Har chand mu'addab thi jab mera sawaal aaya

था उन की तवज्जोह में हर जज़्ब-ए-तलब मेरा
हर चंद मुअ अदब थी जब मेरा सवाल आया

اس بات پہ بدلی ہے بس چشم کرم ان کی
عشاق کے ہونٹوں پہ کیوں حرف سوال آیا

Is baat pe badli hai bas chashm-e-karam un ki
Ushaq ke honton pe kyun harf-e-sawaal aaya

इस बात पे बदली है बस चश्म-ए-करम उन की
उश्शाक़ के होंटों पे क्यों हर्फ़-ए-सवाल आया

یا ان کے حسین ابرو آئے ہیں تصور میں
یا محفل ہستی میں رخشندہ ہلال آیا

Ya un ke haseen abru aaye hain tasawwur mein
Ya mehfil-e-hasti mein rakhshinda hilaal aaya

या उन के हसीं अब्रू आए हैं तसव्वुर में
या महफ़िल-ए-हस्ती में रख़्शंदा हिलाल आया

ہم سجدہ جہاں کر لیں کعبہ وہیں بن جائے
مٹ کر تری الفت میں ہم کو یہ کمال آیا

Ham sajda jahan kar lein kaaba wahin ban jaaye
Mit kar teri ulfat mein hum ko ye kamaal aaya

हम सजदा जहाँ कर लें काबा वहीं बन जाए
मिट कर तेरी उल्फ़त में हम को ये कमाल आया

اب حشر بہ داماں ہے ہر محفل تنہائی
تم آئے تو فرقت کی عظمت پہ زوال آیا

Ab hashr ba-daaman hai har mehfil-e-tanhai
Tum aaye to furqat ki azmat pe zawaal aaya

अब हश्र बा-दामन है हर महफ़िल-ए-तन्हाई
तुम आए तो फ़ुर्क़त की अज़मत पे ज़वाल आया

پھر رنگ جنوں برسا پھولوں کی قباؤں پر
یہ کون گلستاں میں آشفتہ نہال آیا

Phir rang-e-junoon barsa phoolon ki qabaon par
Ye kaun gulistaan mein aashufta nihaal aaya

फिर रंग-ए-जुनूं बरसा फूलों की क़बाओं पर
ये कौन गुलिस्तां में आशफ़्ता निहाल आया

پیغام فناؔ لایا تسکین دل مضطر
وہ آ گئے نظروں میں جب وقت وصال آیا

Paigham-e-Fana laya taskeen-e-dil-e-muztar
Woh aa gaye nazron mein jab waqt-e-wisaal aaya

पैग़ाम-ए-फ़ना लाया तस्कीन-ए-दिल-ए-मुज़्तर
वो आ गए नज़रों में जब वक़्त-ए-विसाल आया