ایذا دہی کی داد جو پاتا رہا ہوں میں
ہر ناز آفریں کو ستاتا رہا ہوں میں

Eza-dahi ki daad jo paata raha hoon main
Har naaz-aafreen ko sataata raha hoon main

ईज़ा-दही की दाद जो पाता रहा हूँ मैं
हर नाज़-आफ़रीं को सताता रहा हूँ मैं

اے خوش خرام پاؤں کے چھالے تو گن ذرا
تجھ کو کہاں کہاں نہ پھراتا رہا ہوں میں

Aye khush-kharaam paaon ke chhaale to gin zara
Tujh ko kahaan kahaan na phiraata raha hoon main

ऐ ख़ुश-ख़राम पाँवों के छाले तो गिन ज़रा
तुझ को कहाँ कहाँ न फिराता रहा हूँ मैं

اک حسن بے مثال کی تمثیل کے لیے
پرچھائیوں پہ رنگ گراتا رہا ہوں میں

Ik husn-e-bemisaal ki tamseel ke liye
Parchhaaiyon pe rang giraata raha hoon main

इक हुस्न-ए-बेमिसाल की तमसील के लिए
परछाइयों पे रंग गिराता रहा हूँ मैं

کیا مل گیا ضمیر ہنر بیچ کر مجھے
اتنا کہ صرف کام چلاتا رہا ہوں میں

Kya mil gaya zameer-e-hunar bech kar mujhe
Itna ke sirf kaam chalaata raha hoon main

क्या मिल गया ज़मीर-ए-हुनर बेच कर मुझे
इतना कि सिर्फ़ काम चलाता रहा हूँ मैं

روحوں کے پردہ پوش گناہوں سے بے خبر
جسموں کی نیکیاں ہی گناتا رہا ہوں میں

Roohon ke parda-posh gunaahon se be-khabar
Jismon ki nekiyan hi ginaata raha hoon main

रूहों के पर्दा-पोश गुनाहों से बे-ख़बर
जिस्मों की नेकियाँ ही गिनाता रहा हूँ मैं

تجھ کو خبر نہیں کہ ترا کرب دیکھ کر
اکثر ترا مذاق اڑاتا رہا ہوں میں

Tujh ko khabar nahin ke tera karb dekh kar
Aksar tera mazaq udaata raha hoon main

तुझ को ख़बर नहीं कि तेरा कर्ब देख कर
अक्सर तेरा मज़ाक़ उड़ाता रहा हूँ मैं

شاید مجھے کسی سے محبت نہیں ہوئی
لیکن یقین سب کو دلاتا رہا ہوں میں

Shaayad mujhe kisi se mohabbat nahin hui
Lekin yaqeen sab ko dilaata raha hoon main

शायद मुझे किसी से मोहब्बत नहीं हुई
लेकिन यक़ीन सब को दिलाता रहा हूँ मैं

اک سطر بھی کبھی نہ لکھی میں نے تیرے نام
پاگل تجھی کو یاد بھی آتا رہا ہوں میں

Ik satr bhi kabhi na likhi main ne tere naam
Paagal tujhi ko yaad bhi aata raha hoon main

इक सत्र भी कभी न लिखी मैं ने तेरे नाम
पागल तुझी को याद भी आता रहा हूँ मैं

جس دن سے اعتماد میں آیا ترا شباب
اس دن سے تجھ پہ ظلم ہی ڈھاتا رہا ہوں میں

Jis din se aitmaad mein aaya tera shabaab
Us din se tujh pe zulm hi dhaata raha hoon main

जिस दिन से एतिमाद में आया तेरा शबाब
उस दिन से तुझ पे ज़ुल्म ही ढाता रहा हूँ मैं

اپنا مثالیہ مجھے اب تک نہ مل سکا
ذروں کو آفتاب بناتا رہا ہوں میں

Apna misaaliya mujhe ab tak na mil saka
Zarron ko aaftaab banaata raha hoon main

अपना मिसालिया मुझे अब तक न मिल सका
ज़र्रों को आफ़ताब बनाता रहा हूँ मैं

بیدار کر کے تیرے بدن کی خود آگہی
تیرے بدن کی عمر گھٹاتا رہا ہوں میں

Bedaar kar ke tere badan ki khud-aagahi
Tere badan ki umr ghataata raha hoon main

बेदार कर के तेरे बदन की ख़ुद-आगही
तेरे बदन की उम्र घटाता रहा हूँ मैं

کل دوپہر عجیب سی اک بے دلی رہی
بس تیلیاں جلا کے بجھاتا رہا ہوں میں

Kal dopehar ajeeb si ik be-dili rahi
Bas teeliyan jala ke bujhaata raha hoon main

कल दोपहर अजीब सी इक बे-दिली रही
बस तीलियाँ जला के बुझाता रहा हूँ मैं