عیش امید ہی سے خطرہ ہے
دل کو اب دل دہی سے خطرہ ہے

Aish umeed hi se khatra hai
Dil ko ab dil dahi se khatra hai

ऐश उम्मीद ही से ख़तरा है
दिल को अब दिल-दही से ख़तरा है

ہے کچھ ایسا کہ اس کی جلوت میں
ہمیں اپنی کمی سے خطرہ ہے

Hai kuch aisa ke uss ki jalwat mein
Humein apni kami se khatra hai

है कुछ ऐसा कि उस की जलवत में
हमें अपनी कमी से ख़तरा है

جس کے آغوش کا ہوں دیوانہ
اس کے آغوش ہی سے خطرہ ہے

Jis ke aaghosh ka hoon deewana
Uss ke aaghosh hi se khatra hai

जिस के आग़ोश का हूँ दीवाना
उस के आग़ोश ही से ख़तरा है

یاد کی دھوپ تو ہے روز کی بات
ہاں مجھے چاندنی سے خطرہ ہے

Yaad ki dhoop toh hai roz ki baat
Haan mujhe chandni se khatra hai

याद की धूप तो है रोज़ की बात
हाँ मुझे चाँदनी से ख़तरा है

ہے عجب کچھ معاملہ درپیش
عقل کو آگہی سے خطرہ ہے

Hai ajab kuch maamla darpesh
Aql ko aagahi se khatra hai

है अजब कुछ मामला दरपेश
अक़्ल को आगही से ख़तरा है

شہر غدار جان لے کہ تجھے
ایک امروہوی سے خطرہ ہے

Shehar ghaddaar jaan le ke tujhe
Ek Amrohi se khatra hai

शहर ग़द्दार जान ले कि तुझे
एक अमरोहवी से ख़तरा है

ہے عجب طور حالت گریہ
کہ مژہ کو نمی سے خطرہ ہے

Hai ajab taur haalat-e-girya
Ke mizha ko nami se khatra hai

है अजब तौर हालत-ए-गिर्या
कि मिज़ा को नमी से ख़तरा है

حال خوش لکھنؤ کا دلی کا
بس انہیں مصحفیؔ سے خطرہ ہے

Haal khush Lucknow ka Dilli ka
Bas unhein Mus'hafi se khatra hai

हाल ख़ुश लखनऊ का दिल्ली का
बस उन्हें मुसहफ़ी से ख़तरा है

آسمانوں میں ہے خدا تنہا
اور ہر آدمی سے خطرہ ہے

Aasmaano mein hai khuda tanha
Aur har aadmi se khatra hai

आसमानों में है ख़ुदा तन्हा
और हर आदमी से ख़तरा है

میں کہوں کس طرح یہ بات اس سے
تجھ کو جانم مجھی سے خطرہ ہے

Main kahoon kis tarah yeh baat uss se
Tujh ko jaanam mujhi se khatra hai

मैं कहूँ किस तरह यह बात उस से
तुझ को जानम मुझी से ख़तरा है

آج بھی اے کنار بان مجھے
تیری اک سانولی سے خطرہ ہے

Aaj bhi aye kinaar-baan mujhe
Teri ik saanwali se khatra hai

आज भी ऐ किनार-बान मुझे
तेरी इक साँवली से ख़तरा है

ان لبوں کا لہو نہ پی جاؤں
اپنی تشنہ لبی سے خطرہ ہے

Inn labon ka lahu na pee jaaoon
Apni tishna-labi se khatra hai

इन लबों का लहू न पी जाऊँ
अपनी तिश्ना-लबी से ख़तरा है

جونؔ ہی تو ہے جونؔ کے درپئے
میرؔ کو میرؔ ہی سے خطرہ ہے

Jaun hi toh hai Jaun ke darpai
Meer ko Meer hi se khatra hai

जौन ही तो है जौन के दरपै
मीर को मीर ही से ख़तरा है

اب نہیں کوئی بات خطرے کی
اب سبھی کو سبھی سے خطرہ ہے

Ab nahi koi baat khatre ki
Ab sabhi ko sabhi se khatra hai

अब नहीं कोई बात ख़तरे की
अब सभी को सभी से ख़तरा है