قتل عاشق کسی معشوق سے کچھ دور نہ تھا
پر ترے عہد سے آگے تو یہ دستور نہ تھا

Qatl-e-aashiq kisi mashooq se kuch door na tha
Par tire ahd se aage to ye dastoor na tha

क़त्ल-ए-आशिक़ किसी माशूक़ से कुछ दूर न था
पर तिरे अहद से आगे तो ये दस्तूर न था

رات مجلس میں ترے حسن کے شعلے کے حضور
شمع کے منہ پہ جو دیکھا تو کہیں نور نہ تھا

Raat majlis mein tire husn ke sho'le ke huzoor
Sham'a ke munh pe jo dekha to kahin noor na tha

रात मज्लिस में तिरे हुस्न के शोले के हुज़ूर
शम्अ के मुँह पे जो देखा तो कहीं नूर न था

ذکر میرا ہی وہ کرتا تھا صریحاً لیکن
میں نے پوچھا تو کہا خیر یہ مذکور نہ تھا

Zikr mera hi vo karta tha sareehann lekin
Main ne poochha to kaha khair ye mazkoor na tha

ज़िक्र मेरा ही वो करता था सरीहन लेकिन
मैं ने पूछा तो कहा ख़ैर ये मज़कूर न था

باوجودے کہ پر و بال نہ تھے آدم کے
وہاں پہنچا کہ فرشتے کا بھی مقدور نہ تھا

Baavajoode ki par-o-baal na the aadam ke
Vahan pahuncha ki farishte ka bhi maqdoor na tha

बावजूदे कि पर-ओ-बाल न थे आदम के
वहाँ पहुँचा कि फ़रिश्ते का भी मक़दूर न था

پرورش غم کی ترے یاں تئیں تو کی دیکھا
کوئی بھی داغ تھا سینے میں کہ ناسور نہ تھا

Parvarish gham ki tire yaan ta.een to ki dekha
Koi bhi daagh tha seene mein ki naasoor na tha

परवरिश ग़म की तिरे याँ तईं तो की देखा
कोई भी दाग़ था सीने में कि नासूर न था

محتسب آج تو مے خانے میں تیرے ہاتھوں
دل نہ تھا کوئی کہ شیشے کی طرح چور نہ تھا

Muhtasib aaj to mai-khaane mein tire haathon
Dil na tha koi ki sheeshe ki tarah choor na tha

मुहतसिब आज तो मय-ख़ाने में तिरे हाथों
दिल न था कोई कि शीशे की तरह चूर न था

دردؔ کے ملنے سے اے یار برا کیوں مانا
اس کو کچھ اور سوا دید کے منظور نہ تھا

Dard ke milne se ae yaar bura kyun maana
Us ko kuch aur siva deed ke manzoor na tha

दर्द के मिलने से ऐ यार बुरा क्यों माना
उस को कुछ और सिवा दीद के मंज़ूर न था