ہم تجھ سے کس ہوس کی فلک جستجو کریں
دل ہی نہیں رہا ہے کہ کچھ آرزو کریں

Hum tujh se kis hawas ki falak justuju karen
Dil hi nahin raha hai ke kuchh aarzoo karen

हम तुझ से किस हवस की फ़लक जुस्तुजू करें
दिल ही नहीं रहा है कि कुछ आरज़ू करें

مٹ جائیں ایک آن میں کثرت نمائیاں
ہم آئنے کے سامنے جب آ کے ہو کریں

Mit jaayen ek aan mein kasrat-numaaiyaan
Hum aaine ke saamne jab aa ke hu karen

मिट जाएँ एक आन में कसरत-नुमाइयाँ
हम आईने के सामने जब आ के हू करें

تر دامنی پہ شیخ ہماری نہ جائیو
دامن نچوڑ دیں تو فرشتے وضو کریں

Tar-daamani pe shaikh hamaari na jaaiyo
Daaman nichod den to farishte wuzu karen

तर-दामनी पे शैख़ हमारी न जाइयो
दामन निचोड़ दें तो फ़रिश्ते वज़ू करें

سر تا قدم زبان ہیں جوں شمع گو کہ ہم
پر یہ کہاں مجال جو کچھ گفتگو کریں

Sar ta qadam zabaan hain juun shama go ke hum
Par yeh kahaan majaal jo kuchh guftugu karen

सर ता क़दम ज़बान हैं जूँ शम्अ गो कि हम
पर यह कहाँ मजाल जो कुछ गुफ़्तुगू करें

ہر چند آئنہ ہوں پر اتنا ہوں ناقبول
منہ پھیر لے وہ جس کے مجھے رو بہ رو کریں

Har-chand aaina hoon par itna hoon na-qubool
Munh pher le woh jis ke mujhe ru-ba-ru karen

हर-चंद आईना हूँ पर इतना हूँ ना-क़बूल
मुँह फेर ले वो जिस के मुझे रू-ब-रू करें

نے گل کو ہے ثبات نہ ہم کو ہے اعتبار
کس بات پر چمن ہوس رنگ و بو کریں

Ne gul ko hai sabaat na hum ko hai aitbaar
Kis baat par chaman hawas-e-rang-o-bu karen

ने गुल को है सबात न हम को है ऐतबार
किस बात पर चमन हवस-ए-रंग-ओ-बू करें

ہے اپنی یہ صلاح کہ سب زاہدان شہر
اے دردؔ آ کے بیعت دست سبو کریں

Hai apni yeh salaah ke sab zaahidaan-e-shahr
Ae Dard aa ke bai'at-e-dast-e-subu karen

है अपनी यह सलाह कि सब ज़ाहिदान-ए-शहर
ऐ दर्द आ के बैअत-ए-दस्त-ए-सुबू करें