یوں ہی مر مر کے جئیں وقت گزارے جائیں
زندگی ہم ترے ہاتھوں سے نہ مارے جائیں

yoon hi mar mar ke jiyein waqt guzaare jaayein
zindagi hum tere haathon se na maare jaayein

यूँ ही मर मर के जिएँ वक़्त गुज़ारे जाएँ
ज़िंदगी हम तेरे हाथों से न मारे जाएँ

اب زمیں پر کوئی گوتم نہ محمد نہ مسیح
آسمانوں سے نئے لوگ اتارے جائیں

ab zameen par koi gautam na muhammad na maseeh
aasmaanon se naye log utaare jaayein

अब ज़मीं पर कोई गौतम न मुहम्मद न मसीह
आसमानों से नए लोग उतारे जाएँ

وہ جو موجود نہیں اس کی مدد چاہتے ہیں
وہ جو سنتا ہی نہیں اس کو پکارے جائیں

wo jo maujood nahin us ki madad chaahte hain
wo jo sunta hi nahin us ko pukaare jaayein

वो जो मौजूद नहीं उस की मदद चाहते हैं
वो जो सुनता ही नहीं उस को पुकारे जाएँ

باپ لرزاں ہے کہ پہنچی نہیں بارات اب تک
اور ہم جولیاں دلہن کو سنوارے جائیں

baap larzaan hai ke pahonchi nahin baaraat ab tak
aur hum-joliyan dulhan ko sanwaare jaayein

बाप लर्ज़ां है कि पहुँची नहीं बारात अब तक
और हम-जोलियाँ दुल्हन को सँवारे जाएँ

ہم کہ نادان جواری ہیں سبھی جانتے ہیں
دل کی بازی ہو تو جی جان سے ہارے جائیں

hum ke naadaan juaari hain sabhi jaante hain
dil ki baazi ho to jee jaan se haare jaayein

हम कि नादान जुआरी हैं सभी जानते हैं
दिल की बाज़ी हो तो जी जान से हारे जाएँ

تج دیا تم نے در یار بھی اکتا کے فرازؔ
اب کہاں ڈھونڈھنے غم خوار تمہارے جائیں

taj diya tum ne dar-e-yaar bhi ukta ke faraz
ab kahaan dhoondhne gham-khaar tumhaare jaayein

तज दिया तुम ने दर-ए-यार भी उकता के फ़राज़
अब कहाँ ढूँढने ग़म-ख़्वार तुम्हारे जाएँ