دل منافق تھا شب ہجر میں سویا کیسا
اور جب تجھ سے ملا ٹوٹ کے رویا کیسا

Dil munafiq tha shab-e-hijr mein soya kaisa
Aur jab tujh se mila toot ke roya kaisa

दिल मुनाफ़िक़ था शब-ए-हिज्र में सोया कैसा
और जब तुझ से मिला टूट के रोया कैसा

زندگی میں بھی غزل ہی کا قرینہ رکھا
خواب در خواب ترے غم کو پرویا کیسا

Zindagi mein bhi ghazal hi ka qareena rakha
Khwab dar khwab tere gham ko paroya kaisa

ज़िंदगी में भी ग़ज़ल ही का क़रीना रक्खा
ख़्वाब दर ख़्वाब तेरे ग़म को पिरोया कैसा

اب تو چہروں پہ بھی کتبوں کا گماں ہوتا ہے
آنکھیں پتھرائی ہوئی ہیں لب گویا کیسا

Ab to chehron pe bhi kutbon ka gumaan hota hai
Aankhen pathraai hui hain lab-e-goya kaisa

अब तो चेहरों पे भी कुतबों का गुमाँ होता है
आँखें पथराई हुई हैं लब-ए-गोया कैसा

دیکھ اب قرب کا موسم بھی نہ سرسبز لگے
ہجر ہی ہجر مراسم میں سمویا کیسا

Dekh ab qurb ka mausam bhi na sarsabz lage
Hijr hi hijr marasim mein samoya kaisa

देख अब क़ुर्ब का मौसम भी न सरसब्ज़ लगे
हिज्र ही हिज्र मरासिम में समोया कैसा

ایک آنسو تھا کہ دریائے ندامت تھا فرازؔ
دل سے بے باک شناور کو ڈبویا کیسا

Ek aansu tha ke darya-e-nadamat tha Faraz
Dil se be-baak shinawar ko daboya kaisa

एक आँसू था कि दरिया-ए-नदामत था फ़राज़
दिल से बे-बाक शनावर को डुबोया कैसा