شام تھی اور برگ و گل شل تھے مگر صبا بھی تھی
ایک عجیب سکوت تھا ایک عجب صدا بھی تھی

Shaam thi aur barg-o-gul shal the magar saba bhi thi
Ek ajeeb sukoot tha ek ajab sada bhi thi

शाम थी और बर्ग-ओ-गुल शल थे मगर सबा भी थी
एक अजीब सुकूत था एक अजब सदा भी थी

ایک ملال کا سا حال محو تھا اپنے حال میں
رقص و نوا تھے بے طرف محفل شب بپا بھی تھی

Ek malaal ka sa haal mehv tha apne haal mein
Raqs-o-nawa the be-taraf mehfil-e-shab bapa bhi thi

एक मलाल का सा हाल महव था अपने हाल में
रक़्स-ओ-नवा थे बे-तरफ़ महफ़िल-ए-शब बपा भी थी

سامعۂ صدائے جاں بے سروکار تھا کہ تھا
ایک گماں کی داستاں بر لب نیم وا بھی تھی

Saami'a-e-sada-e-jaan be-sarokaar tha ke tha
Ek gumaan ki daastaan bar lab-e-neem-waa bhi thi

सामिआ-ए-सदा-ए-जाँ बे-सरोकार था कि था
एक गुमाँ की दास्ताँ बर लब-ए-नीम-वा भी थी

کیا مہ و سال ماجرا ایک پلک تھی جو میاں
بات کی ابتدا بھی تھی بات کی انتہا بھی تھی

Kya mah-o-saal maajra ek palak thi jo miyaan
Baat ki ibtida bhi thi baat ki inteha bhi thi

क्या मह-ओ-साल माजरा एक पलक थी जो मियाँ
बात की इब्तिदा भी थी बात की इंतिहा भी थी

ایک سرود روشنی نیمۂ شب کا خواب تھا
ایک خموش تیرگی سانحہ آشنا بھی تھی

Ek sarood-e-raushni neem-e-shab ka khwaab tha
Ek khamosh teergi saaniha aashna bhi thi

एक सरूद-ए-रौशनी नीम-ए-शब का ख़्वाब था
एक ख़मोश तीरगी सानिहा आश्ना भी थी

دل ترا پیشۂ گلہ کام خراب کر گیا
ورنہ تو ایک رنج کی حالت بے گلہ بھی تھی

Dil tera pesha-e-gila kaam kharaab kar gaya
Varna to ek ranj ki haalat be-gila bhi thi

दिल तेरा पेशा-ए-गिला काम ख़राब कर गया
वरना तो एक रंज की हालत बे-गिला भी थी

دل کے معاملے جو تھے ان میں سے ایک یہ بھی ہے
اک ہوس تھی دل میں جو دل سے گریز پا بھی تھی

Dil ke maamle jo the un mein se ek yeh bhi hai
Ik hawas thi dil mein jo dil se gurez-paa bhi thi

दिल के मामले जो थे उन में से एक यह भी है
इक हवस थी दिल में जो दिल से गरेज़-पा भी थी

بال و پر خیال کو اب نہیں سمت و سو نصیب
پہلے تھی اک عجب فضا اور جو پر فضا بھی تھی

Baal-o-par-e-khayaal ko ab nahin samt-o-soo naseeb
Pehle thi ik ajab faza aur jo pur-faza bhi thi

बाल-ओ-पर-ए-ख़याल को अब नहीं सम्त-ओ-सू नसीब
पहले थी इक अजब फ़ज़ा और जो पुर-फ़ज़ा भी थी

خشک ہے چشمہ سار جاں زرد ہے سبزہ زار دل
اب تو یہ سوچیے کہ یاں پہلے کبھی ہوا بھی تھی

Khushk hai chashma-saar-e-jaan zard hai sabza-zaar-e-dil
Ab to yeh sochiye ke yaan pehle kabhi hawa bhi thi

ख़ुश्क है चश्मा-सार-ए-जाँ ज़र्द है सब्ज़ा-ज़ार-ए-दिल
अब तो यह सोचिए कि याँ पहले कभी हवा भी थी