سندر کومل سپنوں کی بارات گزر گئی جاناں
دھوپ آنکھوں تک آ پہنچی ہے رات گزر گئی جاناں

Sundar komal sapnon ki baaraat guzar gayi jaanaan
Dhoop aankhon tak aa pahunchi hai raat guzar gayi jaanaan

सुंदर कोमल सपनों की बारात गुज़र गई जानाँ
धूप आँखों तक आ पहुँची है रात गुज़र गई जानाँ

بھور سمے تک جس نے ہمیں باہم الجھائے رکھا
وہ البیلی ریشم ایسی بات گزر گئی جاناں

Bhor samay tak jis ne hamein baaham uljhaaye rakha
Woh albeli resham aisi baat guzar gayi jaanaan

भोर समय तक जिस ने हमें बाहम उलझाए रक्खा
वो अलबेली रेशम ऐसी बात गुज़र गई जानाँ

سدا کی دیکھی رات ہمیں اس بار ملی تو چپکے سے
خالی بات پہ رکھ کے کیا سوغات گزر گئی جاناں

Sada ki dekhi raat hamein is baar mili to chupke se
Khaali haath pe rakh ke kya saughaat guzar gayi jaanaan

सदा की देखी रात हमें इस बार मिली तो चुपके से
ख़ाली हाथ पे रख के क्या सौग़ात गुज़र गई जानाँ

کس کونپل کی آس میں اب تک ویسے ہی سرسبز ہو تم
اب تو دھوپ کا موسم ہے برسات گزر گئی جاناں

Kis konpal ki aas mein ab tak waise hi sarsabz ho tum
Ab to dhoop ka mausam hai barsaat guzar gayi jaanaan

किस कोंपल की आस में अब तक वैसे ही सरसब्ज़ हो तुम
अब तो धूप का मौसम है बरसात गुज़र गई जानाँ

لوگ نہ جانے کن راتوں کی مرادیں مانگا کرتے ہیں
اپنی رات تو وہ جو تیرے سات گزر گئی جاناں

Log na jaane kin raaton ki muraadein maanga karte hain
Apni raat to woh jo tere saath guzar gayi jaanaan

लोग न जाने किन रातों की मुरादें माँगा करते हैं
अपनी रात तो वो जो तेरे साथ गुज़र गई जानाँ

اب تو فقط صیاد کی دل داری کا بہانہ ہے ورنہ
ہم کو دام میں لانے والی گھات گزر گئی جاناں

Ab to faqat saiyyaad ki dil-daari ka bahaana hai warna
Hum ko daam mein laane waali ghaat guzar gayi jaanaan

अब तो फ़क़त सय्याद की दिल-दारी का बहाना है वर्ना
हम को दाम में लाने वाली घात गुज़र गई जानाँ