یہ کیا کہ سب سے بیاں دل کی حالتیں کرنی
فرازؔ تجھ کو نہ آئیں محبتیں کرنی

Yeh kya ke sab se bayaan dil ki haalatein karni
Faraaz tujh ko na aayin mohabbatein karni

ये क्या कि सब से बयाँ दिल की हालतें करनी
फ़राज़ तुझ को न आईं मोहब्बतें करनी

یہ قرب کیا ہے کہ تو سامنے ہے اور ہمیں
شمار ابھی سے جدائی کی ساعتیں کرنی

Yeh qurb kya hai ke tu saamne hai aur hamein
Shumaar abhi se judaai ki sa'atein karni

ये क़ुर्ब क्या है कि तू सामने है और हमें
शुमार अभी से जुदाई की साअतें करनी

کوئی خدا ہو کہ پتھر جسے بھی ہم چاہیں
تمام عمر اسی کی عبادتیں کرنی

Koi khuda ho ke patthar jise bhi hum chaahein
Tamaam umr usi ki ibaadatein karni

कोई ख़ुदा हो कि पत्थर जिसे भी हम चाहें
तमाम उम्र उसी की इबादतें करनी

سب اپنے اپنے قرینے سے منتظر اس کے
کسی کو شکر کسی کو شکایتیں کرنی

Sab apne apne qareene se muntazir us ke
Kisi ko shukr kisi ko shikayatein karni

सब अपने अपने क़रीने से मुंतज़िर उस के
किसी को शुक्र किसी को शिकायतें करनी

ہم اپنے دل سے ہی مجبور اور لوگوں کو
ذرا سی بات پہ برپا قیامتیں کرنی

Hum apne dil se hi majboor aur logon ko
Zara si baat pe barpa qayaamatein karni

हम अपने दिल से ही मजबूर और लोगों को
ज़रा सी बात पे बरपा क़यामतें करनी

ملیں جب ان سے تو مبہم سی گفتگو کرنا
پھر اپنے آپ سے سو سو وضاحتیں کرنی

Milein jab un se to mubham si guftagoo karna
Phir apne aap se soo soo wazaahatein karni

मिलें जब उन से तो मुबहम सी गुफ़्तगू करना
फिर अपने आप से सौ सौ वज़ाहतें करनी

یہ لوگ کیسے مگر دشمنی نباہتے ہیں
ہمیں تو راس نہ آئیں محبتیں کرنی

Yeh log kaise magar dushmani nibaahte hain
Hamein to raas na aayin mohabbatein karni

ये लोग कैसे मगर दुश्मनी निबाहते हैं
हमें तो रास न आईं मोहब्बतें करनी

کبھی فرازؔ نئے موسموں میں رو دینا
کبھی تلاش پرانی رفاقتیں کرنی

Kabhi Faraaz naye mausamon mein ro dena
Kabhi talaash puraani rifaaqatein karni

कभी फ़राज़ नए मौसमों में रो देना
कभी तलाश पुरानी रफ़ाक़तें करनी