تو کہ انجان ہے اس شہر کے آداب سمجھ
پھول روئے تو اسے خندۂ شاداب سمجھ

tu ki anjaan hai is shehar ke aadaab samajh
phool roye to ise khanda-e-shaadaab samajh

तू कि अंजान है इस शहर के आदाब समझ
फूल रोए तो इसे ख़ंदा-ए-शादाब समझ

کہیں آ جائے میسر تو مقدر تیرا
ورنہ آسودگیٔ دہر کو نایاب سمجھ

kahin aa jaaye muyassar to muqaddar tera
warna aasoodgi-e-dahr ko naayaab samajh

कहीं आ जाए मुयस्सर तो मुक़द्दर तेरा
वरना आसूदगी-ए-दहर को नायाब समझ

حسرت گریہ میں جو آگ ہے اشکوں میں نہیں
خشک آنکھوں کو میری چشمہ بے آب سمجھ

hasrat-e-girya mein jo aag hai ashkon mein nahin
khushk aankhon ko meri chashma-e-be-aab samajh

हसरत-ए-गिर्या में जो आग है अश्कों में नहीं
ख़ुश्क आँखों को मेरी चश्मा-ए-बे-आब समझ

موج دریا ہی کو آوارۂ سد شوق نہ کہہ
ریگ ساحل کو بھی لب تشنہ سیلاب سمجھ

mauj-e-dariya hi ko aawaara-e-sad-shauq na keh
reg-e-saahil ko bhi lab-tishna-e-seelaab samajh

मौज-ए-दरिया ही को आवारा-ए-सद-शौक़ न कह
रेग-ए-साहिल को भी लब-तिश्ना-ए-सैलाब समझ

یہ بھی وا ہے کسی مانوس کرن کی خاطر
روزن در کو بھی اک دیدۂ بے خواب سمجھ

ye bhi wa hai kisi maanoos kiran ki khaatir
rauzan-e-dar ko bhi ik deeda-e-be-khwaab samajh

यह भी वा है किसी मानूस किरन की ख़ातिर
रौज़न-ए-दर को भी इक दीदा-ए-बे-ख़्वाब समझ

اب کسے ساحل امید سے تکتا ہے فرازؔ
وہ جو اک کشتئ دل تھی اسے غرقاب سمجھ

ab kise saahil-e-umeed se takta hai faraz
wo jo ik kashti-e-dil thi ise gharqaab samajh

अब किसे साहिल-ए-उम्मीद से तकता है फ़राज़
वो जो इक कश्ती-ए-दिल थी इसे ग़र्क़ाब समझ