ہے کس قدر ہلاک فریب وفائے گل
بلبل کے کاروبار پہ ہیں خندہ ہائے گل

Hai kis qadar halaak-e-fareb-e-wafa-e-gul
Bulbul ke kaarobaar pe hain khanda-haaye-gul

है किस क़दर हलाक-ए-फ़रेब-ए-वफ़ा-ए-गुल
बुलबुल के कारोबार पे हैं ख़ंदा-हा-ए-गुल

آزادی نسیم مبارک کہ ہر طرف
ٹوٹے پڑے ہیں حلقۂ دام ہوائے گل

Aazaadi-e-naseem mubaarak ke har taraf
Toote pade hain halqa-e-daam-e-hawa-e-gul

आज़ादी-ए-नसीम मुबारक कि हर तरफ़
टूटे पड़े हैं हल्क़ा-ए-दाम-ए-हवा-ए-गुल

جو تھا سو موج رنگ کے دھوکے میں مر گیا
اے واے نالۂ لب خونیں نوائے گل

Jo tha so mauj-e-rang ke dhoke mein mar gaya
Ae waaye naala-e-lab-e-khooneen, nawa-e-gul

जो था सो मौज-ए-रंग के धोके में मर गया
ऐ वाए नाला-ए-लब-ए-ख़ूनीं, नवा-ए-गुल

خوش حال اس حریف سیہ مست کا کہ جو
رکھتا ہو مثل سایۂ گل سر بہ پائے گل

Khush haal us hareef-e-siyah-mast ka ke jo
Rakhta ho misl-e-saaya-e-gul sar ba-paa-e-gul

ख़ुश हाल उस हरीफ़-ए-सियह-मस्त का कि जो
रखता हो मिस्ल-ए-साया-ए-गुल सर ब-पा-ए-गुल

ایجاد کرتی ہے اسے تیرے لیے بہار
میرا رقیب ہے نفس عطر سائے گل

Ijaad karti hai use tere liye bahaar
Mera raqeeb hai nafas-e-itr-e-saaya-e-gul

ईजाद करती है उसे तेरे लिए बहार
मेरा रक़ीब है नफ़स-ए-इत्र-ए-साया-ए-गुल

شرمندہ رکھتے ہیں مجھے باد بہار سے
مینائے بے شراب و دل بے ہوائے گل

Sharminda rakhte hain mujhe baad-e-bahaar se
Meena-e-be-sharaab o dil-e-be-hawa-e-gul

शर्मिंदा रखते हैं मुझे बाद-ए-बहार से
मीना-ए-बे-शराब ओ दिल-ए-बे-हवा-ए-गुल

سطوت سے تیرے جلوۂ حسن غیور کی
خوں ہے مری نگاہ میں رنگ ادائے گل

Satwat se tere jalwa-e-husn-e-ghayoor ki
Khoon hai meri nigaah mein rang-e-adaa-e-gul

सतवत से तेरे जल्वा-ए-हुस्न-ए-गयूर की
ख़ूँ है मिरी निगाह में रंग-ए-अदा-ए-गुल

تیرے ہی جلوہ کا ہے یہ دھوکا کہ آج تک
بے اختیار دوڑے ہے گل در قفائے گل

Tere hi jalwe ka hai yeh dhoka ke aaj tak
Be-ikhtiyaar daude hai gul dar qafa-e-gul

तेरे ही जल्वे का है ये धोका कि आज तक
बे-इख़्तियार दौड़े है गुल दर क़फ़ा-ए-गुल

غالبؔ مجھے ہے اس سے ہم آغوشی آرزو
جس کا خیال ہے گل جیب قبائے گل

Ghalib mujhe hai us se ham-aaghoshi aarzoo
Jis ka khayaal hai gul-e-jaib-e-qaba-e-gul

ग़ालिब मुझे है उस से हम-आग़ोशी आरज़ू
जिस का ख़याल है गुल-ए-जैब-ए-क़बा-ए-गुल

دیوانگاں کا چارہ فروغ بہار ہے
ہے شاخ گل میں پنجۂ خوباں بجائے گل

Deewaanagaan ka chaara farogh-e-bahaar hai
Hai shaakh-e-gul mein panja-e-khoobaan bajaaye-gul

दीवानगाँ का चारा फ़रोग़-ए-बहार है
है शाख़-ए-गुल में पंजा-ए-ख़ूबाँ बजा-ए-गुल

مژگاں تلک رسائی لخت جگر کہاں
اے وائے گر نگاہ نہ ہو آشنائے گل

Mizhgaan talak rasaai-e-lakht-e-jigar kahaan
Ae waaye gar nigaah na ho aashna-e-gul

मिज़्गाँ तलक रसाई-ए-लख़्त-ए-जिगर कहाँ
ऐ वाए गर निगाह न हो आश्ना-ए-गुल