رخ نگار سے ہے سوز جاودانی شمع
ہوئی ہے آتش گل آب زندگانی شمع

Rukh-e-nigaar se hai soz-e-jaavedaani shama
Hui hai aatish-e-gul aab-e-zindagaani shama

रुख़-ए-निगार से है सोज़-ए-जावेदानी शम्अ
हुई है आतिश-ए-गुल आब-ए-ज़िंदगानी शम्अ

زبان اہل زباں میں ہے مرگ خاموشی
یہ بات بزم میں روشن ہوئی زبانی شمع

Zabaan-e-ahl-e-zubaan mein hai marg-e-khaamoshi
Yeh baat bazm mein roshan hui zabaani shama

ज़बान-ए-अहल-ए-ज़ुबाँ में है मर्ग-ए-ख़ामोशी
ये बात बज़्म में रौशन हुई ज़बानी शम्अ

کرے ہے صرف بہ ایماۓ شعلہ قصہ تمام
بہ طرز اہل فنا ہے فسانہ خوانی شمع

Kare hai sarf ba-eemaa-e-shola qissa tamaam
Ba-tarz-e-ahl-e-fana hai fasaana-khwaani shama

करे है सर्फ़ ब-ईमा-ए-शोला क़िस्सा तमाम
ब-तर्ज़-ए-अहल-ए-फ़ना है फ़साना-ख़्वानी शम्अ

غم اس کو حسرت پروانہ کا ہے اے شعلے
ترے لرزنے سے ظاہر ہے نا توانی شمع

Gham isko hasrat-e-parwaana ka hai ae sholay
Tere larazne se zaahir hai na-tawaani shama

ग़म उसको हसरत-ए-परवाना का है ऐ शोले
तेरे लरज़ने से ज़ाहिर है ना-तवानी शम्अ

ترے خیال سے روح اہتزاز کرتی ہے
بہ جلوہ ریزی باد و بہ پر فشانی شمع

Tere khayaal se rooh ehtizaaz karti hai
Ba-jalwa-rezi-e-baad o ba-par-fishaani shama

तेरे ख़याल से रूह एहतिज़ाज़ करती है
ब-जल्वा-रेज़ी-ए-बाद ओ ब-पर-फ़िशानी शम्अ

نشاط داغ غم عشق کی بہار نہ پوچھ
شگفتگی ہے شہید گل خزانی شمع

Nishaat-e-daagh-e-gham-e-ishq ki bahaar na pooch
Shaguftagi hai shaheed-e-gul-e-khizaani shama

निशात-ए-दाग़-ए-ग़म-ए-इश्क़ की बहार न पूछ
शगुफ़्तगी है शहीद-ए-गुल-ए-ख़िज़ानी शम्अ

جلے ہے دیکھ کے بالین یار پر مجھ کو
نہ کیوں ہو دل پہ مرے داغ بد گمانی شمع

Jale hai dekh ke baaleen-e-yaar par mujh ko
Na kyon ho dil pe mere daagh-e-bad-gumaani shama

जले है देख के बालीन-ए-यार पर मुझ को
न क्यों हो दिल पे मेरे दाग़-ए-बद-गुमानी शम्अ