سانس ان کے مریض حسرت کی رک رک کے چلتی جاتی ہے
مایوس نظر ہے در کی طرف اور جان نکلتی جاتی ہے

Saans un ke mareez-e-hasrat ki ruk ruk ke chalti jaati hai
Mayoos nazar hai dar ki taraf aur jaan nikalti jaati hai

सांस इन के मरीज़-ए-हसरत की रुक रुक के चलती जाती है
मायूस नज़र है दर की तरफ़ और जान निकलती जाती है

چہرے سے سرکتی جاتی ہے زلف ان کی خواب کے عالم میں
وہ ہیں کہ ابھی تک ہوش نہیں اور شب ہے کہ ڈھلتی جاتی ہے

Chehre se sarakti jaati hai zulf un ki khwaab ke aalam mein
Wo hain ke abhi tak hosh nahin aur shab hai ke dhalti jaati hai

चेहरे से सरकती जाती है ज़ुल्फ़ इन की ख़्वाब के आलम में
वो हैं कि अभी तक होश नहीं और शब है कि ढलती जाती है

اللہ خبر بجلی کو نہ ہو گلچیں کی نگاہ بد نہ پڑے
جس شاخ پہ تنکے رکھے ہیں وہ پھولتی پھلتی جاتی ہے

Allah khabar bijli ko na ho gulcheen ki nigaah-e-bad na pade
Jis shaakh pe tinke rakhe hain wo phoolti phalti jaati hai

अल्लाह ख़बर बिजली को न हो गुलचीं की निगाह-ए-बद न पड़े
जिस शाख़ पे तिनके रक्खे हैं वो फूलती फलती जाती है

عارض پہ نمایاں خال ہوئے پھر سبزۂ خط آغاز ہوا
قرآں تو حقیقت میں ہے وہی تفسیر بدلتی جاتی ہے

Aariz pe numayaan khaal hue phir sabza-e-khat aaghaaz hua
Quraan to haqeeqat mein hai wahi tafseer badalti jaati hai

आरिज़ पे नुमायाँ ख़ाल हुए फिर सबज़ह-ए-ख़त आग़ाज़ हुआ
क़ुरआँ तो हक़ीक़त में है वही तफ़्सीर बदलती जाती है

توہین محبت بھی نہ رہی وہ جور و ستم بھی چھوٹ گئے
پہلے کی بہ نسبت حسن کی اب ہر بات بدلتی جاتی ہے

Toheen-e-mohabbat bhi na rahi wo jaur-o-sitam bhi chhoot gaye
Pehle ki ba-nisbat husn ki ab har baat badalti jaati hai

तोहीन-ए-मोहब्बत भी न रही वो जौर-ओ-सितम भी छूट गए
पहले की ब-निस्बत हुस्न की अब हर बात बदलती जाती है

لاج اپنی مسیحا نے رکھ لی مرنے نہ دیا بیماروں کو
جو موت نہ ٹلنے والی تھی وہ موت بھی ٹلتی جاتی ہے

Laaj apni masiha ne rakh lee marne na diya bimaaron ko
Jo maut na talne waali thi wo maut bhi talti jaati hai

लाज अपनी मसीहा ने रख ली मरने न दिया बीमारों को
जो मौत न टलने वाली थी वो मौत भी टलती जाती है

ہے بزم جہاں میں نا ممکن بے عشق سلامت حسن رہے
پروانے تو جل کر خاک ہوئے اب شمع بھی جلتی جاتی ہے

Hai bazm-e-jahaan mein na-mumkin be-ishq salaamat husn rahe
Parwane to jal kar khaak hue ab shama bhi jalti jaati hai

है बज़्म-ए-जहाँ में ना-मुमकिन बे-इश्क़ सलामत हुस्न रहे
परवाने तो जल कर ख़ाक हुए अब शम्अ भी जलती जाती है

شکوہ بھی اگر میں کرتا ہوں تو جور فلک کا کرتا ہوں
بے وجہ قمرؔ تاروں کی نظر کیوں مجھ سے بدلتی جاتی ہے

Shikwa bhi agar mein karta hoon to jaur-e-falak ka karta hoon
Be-wajah qamar taaron ki nazar kyun mujh se badalti jaati hai

शिकवा भी अगर मैं करता हूँ तो जौर-ए-फ़लक का करता हूँ
बे-वजह क़मर तारों की नज़र क्यों मुझ से बदलती जाती है