کچھ خبر لائی تو ہے باد بہاری اس کی
شاید اس راہ سے گزرے گی سواری اس کی

Kuchh khabar laai to hai baad bahaari uski
Shaayad is raah se guzregi sawaari uski

कुछ ख़बर लाई तो है बाद बहारी उस की
शायद इस राह से गुज़रेगी सवारी उस की

میرا چہرہ ہے فقط اس کی نظر سے روشن
اور باقی جو ہے مضمون نگاری اس کی

Mera chehra hai faqat uski nazar se roshan
Aur baaqi jo hai mazmoon nigaari uski

मेरा चेहरा है फ़क़त उस की नज़र से रौशन
और बाक़ी जो है मज़मून निगारी उस की

آنکھ اٹھا کر جو روادار نہ تھا دیکھنے کا
وہی دل کرتا ہے اب منت و زاری اس کی

Aankh utha kar jo rawaadaar na tha dekhne ka
Wohi dil karta hai ab minnat-o-zaari uski

आँख उठा कर जो रवादार न था देखने का
वही दिल करता है अब मिन्नत-ओ-ज़ारी उस की

رات کی آنکھ میں ہیں ہلکے گلابی ڈورے
نیند سے پلکیں ہوئی جاتی ہیں بھاری اس کی

Raat ki aankh mein hain halke gulaabi dore
Neend se palkein hui jaati hain bhaari uski

रात की आँख में हैं हल्के गुलाबी डोरे
नींद से पलकें हुई जाती हैं भारी उस की

اس کے دربار میں حاضر ہوا یہ دل اور پھر
دیکھنے والی تھی کچھ کارگزاری اس کی

Uske darbaar mein haazir hua yeh dil aur phir
Dekhne waali thi kuchh kaarguzaari uski

उस के दरबार में हाज़िर हुआ ये दिल और फिर
देखने वाली थी कुछ कारगुज़ारी उस की

آج تو اس پہ ٹھہرتی ہی نہ تھی آنکھ ذرا
اس کے جاتے ہی نظر میں نے اتاری اس کی

Aaj to us pe theharti hi na thi aankh zara
Uske jaate hi nazar maine utaari uski

आज तो उस पे ठहरती ही न थी आँख ज़रा
उस के जाते ही नज़र मैंने उतारी उस की

عرصۂ خواب میں رہنا ہے کہ لوٹ آنا ہے
فیصلہ کرنے کی اس بار ہے باری اس کی

Arsa-e-khwaab mein rehna hai ke laut aana hai
Faisla karne ki is baar hai baari uski

अर्सा-ए-ख़्वाब में रहना है कि लौट आना है
फ़ैसला करने की इस बार है बारी उस की