عاشقی میں میرؔ جیسے خواب مت دیکھا کرو
باؤلے ہو جاؤ گے مہتاب مت دیکھا کرو

Aashiqui mein Mir jaise khwab mat dekha karo
Baole ho jao ge mahtaab mat dekha karo

आशिक़ी में मीर जैसे ख़्वाब मत देखा करो
बावले हो जाओगे महताब मत देखा करो

جستہ جستہ پڑھ لیا کرنا مضامین وفا
پر کتاب عشق کا ہر باب مت دیکھا کرو

Jasta jasta padh liya karna mazaameen-e-wafa
Par kitab-e-ishq ka har baab mat dekha karo

जस्ता जस्ता पढ़ लिया करना मजामीन-ए-वफ़ा
पर किताब-ए-इश्क़ का हर बाब मत देखा करो

اس تماشے میں الٹ جاتی ہیں اکثر کشتیاں
ڈوبنے والوں کو زیر آب مت دیکھا کرو

Is tamashe mein ulat jaati hain aksar kashtiyan
Doobne walon ko zer-e-aab mat dekha karo

इस तमाशे में उलट जाती हैं अक्सर कश्तियां
डूबने वालों को जेर-ए-आब मत देखा करो

مے کدے میں کیا تکلف مے کشی میں کیا حجاب
بزم ساقی میں ادب آداب مت دیکھا کرو

Maikade mein kya takalluf mai-kashi mein kya hijaab
Bazm-e-saaqi mein adab aadaab mat dekha karo

मैकदे में क्या तकल्लुफ़ मैकशी में क्या हिजाब
बज़्म-ए-साक़ी में अदब आदाब मत देखा करो

ہم سے درویشوں کے گھر آؤ تو یاروں کی طرح
ہر جگہ خس خانہ و برفاب مت دیکھا کرو

Hum se darveshon ke ghar aao to yaaron ki tarah
Har jagah khas-khana o barfaab mat dekha karo

हम से दरवेशों के घर आओ तो यारों की तरह
हर जगह ख़स-ख़ाना ओ बर्फ़ाब मत देखा करो

مانگے تانگے کی قبائیں دیر تک رہتی نہیں
یار لوگوں کے لقب القاب مت دیکھا کرو

Maange taange ki qabaayein der tak rehti nahi
Yaar logon ke laqab alqaab mat dekha karo

मांगे तांगे की क़बाएं देर तक रहती नहीं
यार लोगों के लक़ब अलक़ाब मत देखा करो

تشنگی میں لب بھگو لینا بھی کافی ہے فرازؔ
جام میں صہبا ہے یا زہراب مت دیکھا کرو

Tishnagi mein lab bhigo lena bhi kaafi hai Faraz
Jaam mein sahba hai ya zahraab mat dekha karo

तिश्नगी में लब भिगो लेना भी काफ़ी है फ़राज़
जाम में सहबा है या ज़हराब मत देखा करो