اپنے گھر کی کھڑکی سے میں آسمان کو دیکھوں گا
جس پر تیرا نام لکھا ہے اس تارے کو ڈھونڈوں گا

Apne ghar ki khidki se main aasmaan ko dekhoon ga
Jis par tera naam likha hai uss taare ko dhoondoon ga

अपने घर की खिड़की से मैं आसमान को देखूँगा
जिस पर तेरा नाम लिखा है उस तारे को ढूँढूँगा

تم بھی ہر شب دیا جلا کر پلکوں کی دہلیز پہ رکھنا
میں بھی روز اک خواب تمہارے شہر کی جانب بھیجوں گا

Tum bhi har shab diya jala kar palkon ki dehleez pe rakhna
Main bhi roz ik khwaab tumhare sheher ki jaanib bhejon ga

तुम भी हर शब दिया जला कर पलकों की दहलीज़ पे रखना
मैं भी रोज़ इक ख़्वाब तुम्हारे शहर की जानिब भेजूँगा

ہجر کے دریا میں تم پڑھنا لہروں کی تحریریں بھی
پانی کی ہر سطر پہ میں کچھ دل کی باتیں لکھوں گا

Hijr ke darya mein tum padhna lehron ki tehreerein bhi
Paani ki har satr pe main kuch dil ki baatein likhoon ga

हिज्र के दरिया में तुम पढ़ना लहरों की तहरीरें भी
पानी की हर सत्र पे मैं कुछ दिल की बातें लिखूँगा

جس تنہا سے پیڑ کے نیچے ہم بارش میں بھیگے تھے
تم بھی اس کو چھو کے گزرنا میں بھی اس سے لپٹوں گا

Jis tanha se ped ke neeche hum baarish mein bheege the
Tum bhi uss ko chhoo ke guzarna main bhi uss se liptoon ga

जिस तन्हा से पेड़ के नीचे हम बारिश में भीगे थे
तुम भी उस को छू के गुज़रना मैं भी उस से लिपटूँगा

خواب مسافر لمحوں کے ہیں ساتھ کہاں تک جائیں گے
تم نے بالکل ٹھیک کہا ہے میں بھی اب کچھ سوچوں گا

Khwaab musaafir lamhon ke hain saath kahan tak jaayen ge
Tum ne bilkul theek kaha hai main bhi ab kuch sochoon ga

ख़्वाब मुसाफ़िर लम्हों के हैं साथ कहाँ तक जाएँगे
तुम ने बिल्कुल ठीक कहा है मैं भी अब कुछ सोचूँगा

بادل اوڑھ کے گزروں گا میں تیرے گھر کے آنگن سے
قوس قزح کے سب رنگوں میں تجھ کو بھیگا دیکھوں گا

Baadal odh ke guzroon ga main tere ghar ke aangan se
Qaus-e-quzah ke sab rangon mein tujh ko bheega dekhoon ga

बादल ओढ़ के गुज़रूँगा मैं तेरे घर के आँगन से
क़ौस-ए-क़ुज़ह के सब रंगों में तुझ को भीगा देखूँगा

بے موسم بارش کی صورت دیر تلک اور دور تلک
تیرے دیار حسن پہ میں بھی کن من کن من برسوں گا

Be-mausam baarish ki soorat der talak aur door talak
Tere dayaar-e-husn pe main bhi kun mun kun mun barsoon ga

बे-मौसम बारिश की सूरत देर तलक और दूर तलक
तेरे दयार-ए-हुस्न पे मैं भी कुन मुन कुन मुन बरसूँगा

شرم سے دہرا ہو جائے گا کان پڑا وہ بندا بھی
باد صبا کے لہجے میں اک بات میں ایسی پوچھوں گا

Sharm se dohra ho jaaye ga kaan pada woh bunda bhi
Baad-e-saba ke lehje mein ik baat main aisi poochhoon ga

शर्म से दोहरा हो जाएगा कान पड़ा वो बुन्दा भी
बाद-ए-सबा के लहजे में इक बात मैं ऐसी पूछूँगा

صفحہ صفحہ ایک کتاب حسن سی کھلتی جائے گی
اور اسی کی لے میں پھر میں تم کو ازبر کر لوں گا

Safha safha ek kitaab-e-husn si khulti jaaye gi
Aur usi ki lai mein phir main tum ko azbar kar loon ga

सफ़्हा सफ़्हा एक किताब-ए-हुस्न सी खुलती जाएगी
और उसी की लय में फिर मैं तुम को अज़बर कर लूँगा

وقت کے اک کنکر نے جس کو عکسوں میں تقسیم کیا
آب رواں میں کیسے امجدؔ اب وہ چہرا جوڑوں گا

Waqt ke ik kankar ne jis ko akson mein taqseem kiya
Aab-e-rawaan mein kaise 'Amjad' ab woh chehra joroon ga

वक़्त के इक कंकर ने जिस को अक्सों में तक़्सीम किया
आब-ए-रवाँ में कैसे 'अमजद' अब वो चेहरा जोड़ूँगा