کچھ فیصلہ تو ہو کہ کدھر جانا چاہیے
پانی کو اب تو سر سے گزر جانا چاہیے

Kuchh faisla to ho ke kidhar jaana chahiye
Paani ko ab to sar se guzar jaana chahiye

कुछ फ़ैसला तो हो कि किधर जाना चाहिए
पानी को अब तो सर से गुज़र जाना चाहिए

نشتر بدست شہر سے چارہ گری کی لو
اے زخم بے کسی تجھے بھر جانا چاہیے

Nishtar-badast shahr se chaaragari ki lau
Aye zakhm-e-bekasi tujhe bhar jaana chahiye

नश्तर-बदस्त शहर से चारागरी की लौ
ऐ ज़ख़्म-ए-बेकसी तुझे भर जाना चाहिए

ہر بار ایڑیوں پہ گرا ہے مرا لہو
مقتل میں اب بہ طرز دگر جانا چاہیے

Har baar ediyon pe gira hai mira lahu
Maqtal mein ab ba-tarz-e-digar jaana chahiye

हर बार एड़ियों पे गिरा है मिरा लहू
मक़्तल में अब ब-तर्ज़-ए-दिगर जाना चाहिए

کیا چل سکیں گے جن کا فقط مسئلہ یہ ہے
جانے سے پہلے رخت سفر جانا چاہیے

Kya chal sakenge jin ka faqat mas'ala yeh hai
Jaane se pehle rakht-e-safar jaana chahiye

क्या चल सकेंगे जिन का फ़क़त मसअला ये है
जाने से पहले रख़्त-ए-सफ़र जाना चाहिए

سارا جوار بھاٹا مرے دل میں ہے مگر
الزام یہ بھی چاند کے سر جانا چاہیے

Saara jawaar-bhaata mire dil mein hai magar
Ilzaam yeh bhi chaand ke sar jaana chahiye

सारा ज्वार-भाटा मिरे दिल में है मगर
इल्ज़ाम ये भी चाँद के सर जाना चाहिए

جب بھی گئے عذاب در و بام تھا وہی
آخر کو کتنی دیر سے گھر جانا چاہیے

Jab bhi gaye azaab dar-o-baam tha wahi
Aakhir ko kitni der se ghar jaana chahiye

जब भी गए अज़ाब दर-ओ-बाम था वही
आख़िर को कितनी देर से घर जाना चाहिए

تہمت لگا کے ماں پہ جو دشمن سے داد لے
ایسے سخن فروش کو مر جانا چاہیے

Tohmat laga ke maan pe jo dushman se daad le
Aise sukhan-farosh ko mar jaana chahiye

तोहमत लगा के माँ पे जो दुश्मन से दाद ले
ऐसे सुख़न-फ़रोश को मर जाना चाहिए