تہمت چند اپنے ذمے دھر چلے
جس لیے آئے تھے سو ہم کر چلے

Tohmat-chand apne zimme dhar chale
Jis liye aaye the so ham kar chale

तोहमत-चंद अपने ज़िम्मे धर चले
जिस लिए आए थे सो हम कर चले

زندگی ہے یا کوئی طوفان ہے
ہم تو اس جینے کے ہاتھوں مر چلے

Zindagi hai ya koi toofaan hai
Ham to is jeene ke haathon mar chale

ज़िंदगी है या कोई तूफ़ान है
हम तो इस जीने के हाथों मर चले

کیا ہمیں کام ان گلوں سے اے صبا
ایک دم آئے ادھر اودھر چلے

Kya hamein kaam in gulon se ae saba
Ek dam aaye idhar oodhar chale

क्या हमें काम इन गुलों से ऐ सबा
एक दम आए इधर उधर चले

دوستو دیکھا تماشا یاں کا سب
تم رہو خوش ہم تو اپنے گھر چلے

Dosto dekha tamaasha yaan ka sab
Tum raho khush ham to apne ghar chale

दोस्तो देखा तमाशा याँ का सब
तुम रहो ख़ुश हम तो अपने घर चले

آہ بس مت جی جلا تب جانیے
جب کوئی افسوں ترا اس پر چلے

Aah bas mat ji jala tab jaaniye
Jab koi afsoon tera us par chale

आह बस मत जी जला तब जानिए
जब कोई अफ़सूँ तिरा उस पर चले

ایک میں دل ریش ہوں ویسا ہی دوست
زخم کتنوں کے سنا ہے بھر چلے

Ek main dil-resh hoon waisa hi dost
Zakhm kitnon ke suna hai bhar chale

एक मैं दिल-रेश हूँ वैसा ही दोस्त
ज़ख़्म कितनों के सुना है भर चले

شمع کے مانند ہم اس بزم میں
چشم تر آئے تھے دامن تر چلے

Shama ke maanind ham is bazm mein
Chashm tar aaye the daaman tar chale

शम्अ के मानिंद हम इस बज़्म में
चश्म तर आए थे दामन तर चले

ڈھونڈھتے ہیں آپ سے اس کو پرے
شیخ صاحب چھوڑ گھر باہر چلے

Dhoondhte hain aap se us ko pare
Shaikh saahab chhod ghar baahar chale

ढूँढते हैं आप से उस को परे
शैख़ साहब छोड़ घर बाहर चले

ہم نہ جانے پائے باہر آپ سے
وہ ہی آڑے آ گیا جیدھر چلے

Ham na jaane paaye baahar aap se
Woh hi aade aa gaya jidhar chale

हम न जाने पाए बाहर आप से
वो ही आड़े आ गया जिधर चले

ہم جہاں میں آئے تھے تنہا ولے
ساتھ اپنے اب اسے لے کر چلے

Ham jahaan mein aaye the tanha wale
Saath apne ab use le kar chale

हम जहाँ में आए थे तन्हा वले
साथ अपने अब उसे ले कर चले

جوں شرر اے ہستیٔ بے بود یاں
بارے ہم بھی اپنی باری بھر چلے

Joon sharar ae hasti-e-be-bood yaan
Baare ham bhi apni baari bhar chale

जूं शरर ऐ हस्ती-ए-बे-बूद याँ
बारे हम भी अपनी बारी भर चले

ساقیا یاں لگ رہا ہے چل چلاؤ
جب تلک بس چل سکے ساغر چلے

Saaqiya yaan lag raha hai chal-chalao
Jab talak bas chal sake saaghar chale

साक़िया याँ लग रहा है चल-चलाओ
जब तलक बस चल सके साग़र चले

دردؔ کچھ معلوم ہے یہ لوگ سب
کس طرف سے آئے تھے کیدھر چلے

Dard kuchh maaloom hai yeh log sab
Kis taraf se aaye the kidhar chale

'दर्द' कुछ मालूम है ये लोग सब
किस तरफ़ से आए थे किधर चले