یاد کے صحرا میں کچھ تو زندگی آئے نظر
سوچتا ہوں اب بنا لوں ریت سے ہی کوئی گھر

Yaad ke sehra mein kuchh to zindagi aaye nazar
Sochta hoon ab bana loon rait se hi koi ghar

याद के सहरा में कुछ तो ज़िंदगी आए नज़र
सोचता हूँ अब बना लूँ रेत से ही कोई घर

کس قدر یادیں ابھر آئی ہیں تیرے نام سے
ایک پتھر پھینکنے سے پڑ گئے کتنے بھنور

Kis qadar yaadein ubhar aayi hain tere naam se
Ek patthar phenkne se pad gaye kitne bhanwar

किस क़दर यादें उभर आई हैं तेरे नाम से
एक पत्थर फेंकने से पड़ गए कितने भँवर

وقت کے اندھے کنوئیں میں پل رہی ہے زندگی
اے مرے حسن تخیل بام سے نیچے اتر

Waqt ke andhe kunwein mein pal rahi hai zindagi
Ae mere husn-e-takhyyul baam se neeche utar

वक़्त के अंधे कुएँ में पल रही है ज़िंदगी
ऐ मिरे हुस्न-ए-तख़य्युल बाम से नीचे उतर

تو اسیر آبروئے شیوۂ پندار حسن
میں گرفتار نگاہ زندگیٔ مختصر

Tu aseer-e-aabru-e-sheva-e-pindaar-e-husn
Main giraftaar-e-nigaah-e-zindagi-e-mukhtasar

तू असीर-ए-आबरू-ए-शेवा-ए-पिंदार-ए-हुस्न
मैं गिरफ़्तार-ए-निगाह-ए-ज़िंदगी-ए-मुख़्तसर

ضبط کے قریے میں امجدؔ دیکھیے کیسے کٹے
سوچ کی سونی سڑک پر یاد کا لمبا سفر

Zabt ke qariye mein Amjad dekhiye kaise kate
Soch ki sooni sadak par yaad ka lamba safar

ज़ब्त के क़रिये में अमजद देखिए कैसे कटे
सोच की सूनी सड़क पर याद का लम्बा सफ़र