ان کی طرف سے ترک ملاقات ہو گئی
ہم جس سے ڈر رہے تھے وہی بات ہو گئی

un kī taraf se tark-e-mulāqāt ho gaī
ham jis se dar rahe the vahī baat ho gaī

उन की तरफ़ से तर्क-ए-मुलाक़ात हो गई
हम जिस से डर रहे थे वही बात हो गई

آئینہ دیکھنے میں نئی بات ہو گئی
ان سے ہی آج ان کی ملاقات ہو گئی

ā.īna dekhne meñ naī baat ho gaī
un se hī āj un kī mulāqāt ho gaī

आईना देखने में नई बात हो गई
उन से ही आज उन की मुलाक़ात हो गई

طے ان سے روز حشر ملاقات ہو گئی
اتنی سی بات کتنی بڑی بات ہو گئی

tai un se roz-e-hashr mulāqāt ho gaī
itnī sī baat kitnī baṛī baat ho gaī

तय उन से रोज़-ए-हशर मुलाक़ात हो गई
इतनी सी बात कितनी बड़ी बात हो गई

کم ظرفیٔ حیات سے تنگ آ گیا تھا میں
اچھا ہوا قضا سے ملاقات ہو گئی

kam-zarfī-e-hayāt se tañg ā gayā thā maiñ
achhā huā qazā se mulāqāt ho gaī

कम-ज़र्फ़ी-ए-हयात से तंग आ गया था मैं
अच्छा हुआ क़ज़ा से मुलाक़ात हो गई

دن میں بھٹک رہے ہیں جو منزل کی راہ سے
یہ لوگ کیا کریں گے اگر رات ہو گئی

din meñ bhaṭak rahe haiñ jo manzil kī rāh se
ye log kyā kareñge agar raat ho gaī

दिन में भटक रहे हैं जो मंज़िल की राह से
ये लोग क्या करेंगे अगर रात हो गई

آئے ہیں وہ مریض محبت کو دیکھ کر
آنسو بتا رہے ہیں کوئی بات ہو گئی

ā.e haiñ vo marīz-e-mohabbat ko dekh kar
āñsū batā rahe haiñ koī baat ho gaī

आए हैं वो मरीज़-ए-मोहब्बत को देख कर
आँसू बता रहे हैं कोई बात हो गई

تھا اور کون پوچھنے والا مریض کا
تم آ گئے تو پرسش حالات ہو گئی

thā aur kaun pūchhne vālā marīz kā
tum ā ga.e to pursish-e-hālāt ho gaī

था और कौन पूछने वाला मरीज़ का
तुम आ गए तो पुर्सिश-ए-हालात हो गई

اے بلبل بہار چمن اپنی خیر مانگ
صیاد و باغباں میں ملاقات ہو گئی

ai bulbul-e-bahār-e-chaman apnī khair māñg
sayyād o bāġhbāñ meñ mulāqāt ho gaī

ऐ बुलबुल-ए-बहार-ए-चमन अपनी ख़ैर माँग
सय्याद ओ बाग़बाँ में मुलाक़ात हो गई

جب زلف یاد آ گئی یوں اشک بہہ گئے
جیسے اندھیری رات میں برسات ہو گئی

jab zulf yād ā gaī yuñ ashk bah ga.e
jaise andherī raat meñ barsāt ho gaī

जब ज़ुल्फ़ याद आ गई यूँ अश्क बह गए
जैसे अंधेरी रात में बरसात हो गई

گلشن کا ہوش اہل جنوں کو بھلا کہاں
صحرا میں پڑ رہے تو بسر رات ہو گئی

gulshan kā hosh ahl-e-junūñ ko bhalā kahāñ
sahrā meñ paṛ rahe to basar raat ho gaī

गुलशन का होश अहल-ए-जुनूँ को भला कहाँ
सहरा में पड़ रहे तो बसर रात हो गई

در پردہ بزم غیر میں دونوں کی گفتگو
اٹھی ادھر نگاہ ادھر بات ہو گئی

dar-parda bazm-e-ġhair meñ donoñ kī guftagū
uṭhī udhar nigāh udhar baat ho gaī

दर-पर्दा बज़्म-ए-ग़ैर में दोनों की गुफ़्तगू
उठी उधर निगाह उधर बात हो गई

کب تک قمرؔ ہو شام کے وعدے کا انتظار
سورج چھپا چراغ جلے رات ہو گئی

kab tak qamar ho shaam ke va'de kā intizār
sūraj chhipā chirāġh jale raat ho gaī

कब तक क़मर हो शाम के वादे का इंतज़ार
सूरज छिपा चराग़ जले रात हो गई