اب کے تجدید وفا کا نہیں امکاں جاناں
یاد کیا تجھ کو دلائیں ترا پیماں جاناں

Ab ke tajdeed-e-wafa ka nahin imkaan jaanaan
Yaad kya tujh ko dilaayen tera paimaan jaanaan

अब के तजदीद-ए-वफ़ा का नहीं इम्काँ जानाँ
याद क्या तुझ को दिलाएँ तेरा पैमाँ जानाँ

یوں ہی موسم کی ادا دیکھ کے یاد آیا ہے
کس قدر جلد بدل جاتے ہیں انساں جاناں

Yunhi mausam ki ada dekh ke yaad aaya hai
Kis qadar jald badal jaate hain insaan jaanaan

यूँही मौसम की अदा देख के याद आया है
किस क़दर जल्द बदल जाते हैं इंसाँ जानाँ

زندگی تیری عطا تھی سو ترے نام کی ہے
ہم نے جیسے بھی بسر کی ترا احساں جاناں

Zindagi teri ata thi so tere naam ki hai
Ham ne jaise bhi basar ki tera ehsaan jaanaan

ज़िंदगी तेरी अता थी सो तेरे नाम की है
हम ने जैसे भी बसर की तेरा एहसाँ जानाँ

دل یہ کہتا ہے کہ شاید ہے فسردہ تو بھی
دل کی کیا بات کریں دل تو ہے ناداں جاناں

Dil ye kehta hai ke shayad hai fasurda tu bhi
Dil ki kya baat karen dil to hai naadaan jaanaan

दिल ये कहता है कि शायद है फ़सुर्दा तू भी
दिल की क्या बात करें दिल तो है नादाँ जानाँ

اول اول کی محبت کے نشے یاد تو کر
بے پیے بھی ترا چہرہ تھا گلستاں جاناں

Awwal awwal ki mohabbat ke nashe yaad to kar
Be-piye bhi tera chehra tha gulistaan jaanaan

अव्वल अव्वल की मोहब्बत के नशे याद तो कर
बे-पिये भी तेरा चेहरा था गुलिस्ताँ जानाँ

آخر آخر تو یہ عالم ہے کہ اب ہوش نہیں
رگ مینا سلگ اٹھی کہ رگ جاں جاناں

Aakhir aakhir to ye aalam hai ke ab hosh nahin
Rag-e-meena sulag uthi ke rag-e-jaan jaanaan

आख़िर आख़िर तो ये आलम है कि अब होश नहीं
रग-ए-मीना सुलग उठी कि रग-ए-जाँ जानाँ

مدتوں سے یہی عالم نہ توقع نہ امید
دل پکارے ہی چلا جاتا ہے جاناں جاناں

Muddaton se yehi aalam na tawaqqo na umeed
Dil pukaare hi chala jaata hai jaanaan jaanaan

मुद्दतों से यही आलम न तवक़्क़ो न उम्मीद
दिल पुकारे ही चला जाता है जानाँ जानाँ

ہم بھی کیا سادہ تھے ہم نے بھی سمجھ رکھا تھا
غم دوراں سے جدا ہے غم جاناں جاناں

Ham bhi kya saada the ham ne bhi samajh rakha tha
Gham-e-dauraan se juda hai gham-e-jaanaan jaanaan

हम भी क्या सादा थे हम ने भी समझ रक्खा था
ग़म-ए-दौरां से जुदा है ग़म-ए-जानाँ जानाँ

اب کے کچھ ایسی سجی محفل یاراں جاناں
سر بہ زانو ہے کوئی سر بہ گریباں جاناں

Ab ke kuch aisi saji mehfil-e-yaaraan jaanaan
Sar-ba-zaanu hai koi sar-ba-girebaan jaanaan

अब के कुछ ऐसी सजी महफ़िल-ए-यारां जानाँ
सर-ब-ज़ानू है कोई सर-ब-गरेबाँ जानाँ

ہر کوئی اپنی ہی آواز سے کانپ اٹھتا ہے
ہر کوئی اپنے ہی سائے سے ہراساں جاناں

Har koi apni hi aawaaz se kaanp uthta hai
Har koi apne hi saaye se haraasaan jaanaan

हर कोई अपनी ही आवाज़ से काँप उठता है
हर कोई अपने ही साये से हरासाँ जानाँ

جس کو دیکھو وہی زنجیر بہ پا لگتا ہے
شہر کا شہر ہوا داخل زنداں جاناں

Jis ko dekho wohi zanjeer-ba-pa lagta hai
Shehar ka shehar hua dakhil-e-zindaan jaanaan

जिस को देखो वही ज़ंजीर-ब-पा लगता है
शहर का शहर हुआ दाख़िल-ए-ज़िंदाँ जानाँ

اب ترا ذکر بھی شاید ہی غزل میں آئے
اور سے اور ہوئے درد کے عنواں جاناں

Ab tera zikr bhi shayad hi ghazal mein aaye
Aur se aur hue dard ke unwaan jaanaan

अब तेरा ज़िक्र भी शायद ही ग़ज़ल में आये
और से और हुए दर्द के उन्वाँ जानाँ

ہم کہ روٹھی ہوئی رت کو بھی منا لیتے تھے
ہم نے دیکھا ہی نہ تھا موسم ہجراں جاناں

Ham ke roothi hui rut ko bhi mana lete the
Ham ne dekha hi na tha mausam-e-hijraan jaanaan

हम कि रूठी हुई रुत को भी मना लेते थे
हम ने देखा ही न था मौसम-ए-हिज्राँ जानाँ

ہوش آیا تو سبھی خواب تھے ریزہ ریزہ
جیسے اڑتے ہوئے اوراق پریشاں جاناں

Hosh aaya to sabhi khwaab the reza reza
Jaise udte hue auraaq-e-pareeshaan jaanaan

होश आया तो सभी ख़्वाब थे रेज़ा रेज़ा
जैसे उड़ते हुए औराक़-ए-परेशाँ जानाँ