ہر سمت پریشاں تری آمد کے قرینے
دھوکے دئیے کیا کیا ہمیں باد سحری نے

Har simt parishan teri aamad ke qareene
Dhoke diye kya kya hamein baad-e-sahari ne

हर सिम्त परेशां तेरी आमद के क़रीने
धोके दिए क्या क्या हमें बाद-ए-सहरी ने

ہر منزل غربت پہ گماں ہوتا ہے گھر کا
بہلایا ہے ہر گام بہت دربدری نے

Har manzil-e-ghurbat pe gumaan hota hai ghar ka
Behlaya hai har gaam bahut darbadari ne

हर मंज़िल-ए-ग़ुर्बत पे गुमां होता है घर का
बहलाया है हर गाम बहुत दर-बदरी ने

تھے بزم میں سب دود سر بزم سے شاداں
بیکار جلایا ہمیں روشن نظری نے

The bazm mein sab dood-e-sar-e-bazm se shaadan
Be-kaar jalaya hamein roshan-nazari ne

थे बज़्म में सब दूड-ए-सर-ए-बज़्म से शादां
बे-कार जलाया हमें रोशन-नज़री ने

مے خانے میں عاجز ہوئے آزردہ دلی سے
مسجد کا نہ رکھا ہمیں آشفتہ سری نے

Maikhane mein aajiz hue aazurda-dili se
Masjid ka na rakha hamein aashufta-sari ne

मयख़ाने में आजिज़ हुए आज़ुर्दा-दिली से
मस्जिद का न रखा हमें आशुफ़्ता-सरी ने

یہ جامۂ صد چاک بدل لینے میں کیا تھا
مہلت ہی نہ دی فیضؔ کبھی بخیہ گری نے

Yeh jama-e-sad-chaak badal lene mein kya tha
Mohlat hi na di Faiz kabhi bakhiya-gari ne

यह जामा-ए-सद-चाक बदल लेने में क्या था
मोह्लत ही न दी फ़ैज़ कभी बखिया-गरी ने