اب کے برس دستور ستم میں کیا کیا باب ایزاد ہوئے
جو قاتل تھے مقتول ہوئے جو صید تھے اب صیاد ہوئے

Ab ke baras dastoor-e-sitam mein kya kya baab izaad hue
Jo qatil the maqtool hue jo said the ab sayyad hue

अब के बरस दस्तूर-ए-सितम में क्या क्या बाब ईज़ाद हुए
जो क़ातिल थे मक़्तूल हुए जो सैद थे अब सय्याद हुए

پہلے بھی خزاں میں باغ اجڑے پر یوں نہیں جیسے اب کے برس
سارے بوٹے پتہ پتہ روش روش برباد ہوئے

Pehle bhi khizaan mein bagh ujre par yun nahin jaise ab ke baras
Saare boote patta patta raush raush barbaad hue

पहले भी ख़िज़ां में बाग़ उजड़े पर यूं नहीं जैसे अब के बरस
सारे बूटे पत्ता पत्ता रौश रौश बर्बाद हुए

پہلے بھی طواف شمع وفا تھی رسم محبت والوں کی
ہم تم سے پہلے بھی یہاں منصورؔ ہوئے فرہادؔ ہوئے

Pehle bhi tawaf-e-shama-e-wafa thi rasm-e-mohabbat walon ki
Ham tum se pehle bhi yahan Mansoor hue Farhad hue

पहले भी तवाफ़-ए-शम्अ-ए-वफ़ा थी रस्म-ए-मोहब्बत वालों की
हम तुम से पहले भी यहां मंसूर हुए फ़रहाद हुए

اک گل کے مرجھانے پر کیا گلشن میں کہرام مچا
اک چہرہ کمھلا جانے سے کتنے دل ناشاد ہوئے

Ek gul ke murjhane par kya gulshan mein kehram macha
Ek chehra kumhla jaane se kitne dil nashaad hue

एक गुल के मुरझाने पर क्या गुलशन में कहराम मचा
एक चेहरा कुम्हला जाने से कितने दिल नाशाद हुए

فیضؔ نہ ہم یوسفؔ نہ کوئی یعقوبؔ جو ہم کو یاد کرے
اپنی کیا کنعاں میں رہے یا مصر میں جا آباد ہوئے

Faiz na ham Yusuf na koi Yaqub jo ham ko yaad kare
Apni kya Kanaan mein rahe ya Misr mein ja aabaad hue

फ़ैज़ न हम यूसुफ़ न कोई यक़ूब जो हम को याद करे
अपनी क्या कनाआं में रहे या मिस्र में जा आबाद हुए