ساقیا ایک نظر جام سے پہلے پہلے
ہم کو جانا ہے کہیں شام سے پہلے پہلے

Saqiya ek nazar jaam se pehle pehle
Ham ko jaana hai kahin shaam se pehle pehle

सक़िया एक नज़र जाम से पहले पहले
हम को जाना है कहीं शाम से पहले पहले

نو گرفتار وفا سعئ رہائی ہے عبث
ہم بھی الجھے تھے بہت دام سے پہلے پہلے

Nau-giraftar-e-wafa saee-e-rihai hai abas
Ham bhi uljhe the bahut daam se pehle pehle

नौ-गिरफ़्तार-ए-वफ़ा सई-ए-रिहाई है अबस
हम भी उलझे थे बहुत दाम से पहले पहले

خوش ہو اے دل کہ محبت تو نبھا دی تو نے
لوگ اجڑ جاتے ہیں انجام سے پہلے پہلے

Khush ho ae dil ke mohabbat to nibha di tu ne
Log ujad jaate hain anjaam se pehle pehle

ख़ुश हो ऐ दिल कि मोहब्बत तो निभा दी तूने
लोग उजड़ जाते हैं अंजाम से पहले पहले

اب ترے ذکر پہ ہم بات بدل دیتے ہیں
کتنی رغبت تھی ترے نام سے پہلے پہلے

Ab tere zikr pe ham baat badal dete hain
Kitni raghbat thi tere naam se pehle pehle

अब तेरे ज़िक्र पे हम बात बदल देते हैं
कितनी रग़बत थी तेरे नाम से पहले पहले

سامنے عمر پڑی ہے شب تنہائی کی
وہ مجھے چھوڑ گیا شام سے پہلے پہلے

Saamne umr padi hai shab-e-tanhai ki
Wo mujhe chhod gaya shaam se pehle pehle

सामने उम्र पड़ी है शब-ए-तन्हाई की
वह मुझे छोड़ गया शाम से पहले पहले

کتنا اچھا تھا کہ ہم بھی جیا کرتے تھے فرازؔ
غیر معروف سے گمنام سے پہلے پہلے

Kitna achha tha ke ham bhi jiya karte the Faraz
Gair-maroof se gumnaam se pehle pehle

कितना अच्छा था कि हम भी जिया करते थे फ़राज़
ग़ैर-मअरूफ़ से गुमनाम से पहले पहले