وہ تفاوتیں ہیں مرے خدا کہ یہ تو نہیں کوئی اور ہے
کہ تو آسمان پہ ہو تو ہو یہ سر زمیں کوئی اور ہے

woh tafavuten hain mare khuda ki yeh to nahin koi aur hai
ki tu aasmaan pe ho to ho yeh sar zameen koi aur hai

वो तफ़ावुतें हैं मरे ख़ुदा कि ये तो नहीं कोई और है
कि तू आसमान पे हो तो हो ये सर ज़मीं कोई और है

وہ جو راستے تھے وفا کے تھے یہ جو منزلیں ہیں سزا کی ہیں
مرا ہم سفر کوئی اور تھا مرا ہم نشیں کوئی اور ہے

woh jo raaste the wafa ke the yeh jo manzilen hain saza ki hain
mara hamsafar koi aur tha mara hamnasheen koi aur hai

वो जो रास्ते थे वफ़ा के थे ये जो मंज़िलें हैं सज़ा की हैं
मरा हमसफ़र कोई और था मरा हमनशीं कोई और है

مرے جسم و جاں میں ترے سوا نہیں اور کوئی بھی دوسرا
مجھے پھر بھی لگتا ہے اس طرح کہ کہیں کہیں کوئی اور ہے

mare jism-o-jaan mein tare siwa nahin aur koi bhi doosra
mujhe phir bhi lagta hai is tarah ki kahin kahin koi aur hai

मरे जिस्म-ओ-जां में तरे सिवा नहीं और कोई भी दूसरा
मुझे फिर भी लगता है इस तरह कि कहीं कहीं कोई और है

میں اسیر اپنے غزال کا میں فقیر دشت وصال کا
جو ہرن کو باندھ کے لے گیا وہ سبکتگیں کوئی اور ہے

mein aseer apne ghazaal ka mein faqeer dasht-e-visaal ka
jo haran ko baandh ke le gaya woh subuktgeen koi aur hai

में असीर अपने ग़ज़ाल का में फ़क़ीर दश्त-ए-विसाल का
जो हरन को बांध के ले गया वो सुबुकतगीं कोई और है

میں عجب مسافر بے اماں کہ جہاں جہاں بھی گیا وہاں
مجھے یہ لگا مرا خاکداں یہ زمیں نہیں کوئی اور ہے

mein ajab musaafir-e-be-amaan ki jahaan jahaan bhi gaya wahaan
mujhe yeh laga mara khaakdaan yeh zameen nahin koi aur hai

में अजब मुसाफ़िर-ए-बे-अमां कि जहाँ जहाँ भी गया वहाँ
मुझे ये लगा मरा ख़ाकदां ये ज़मीं नहीं कोई और है

رہے بے خبر مرے یار تک کبھی اس پہ شک کبھی اس پہ شک
مرے جی کو جس کی رہی للک وہ قمر جبیں کوئی اور ہے

rahe be-khabar mare yaar tak kabhi is pe shak kabhi is pe shak
mare jee ko jis ki rahi lalak woh qamar jabeen koi aur hai

रहे बे-ख़बर मरे यार तक कभी इस पे शक कभी इस पे शक
मरे जी को जिस की रही ललक वो क़मर जबीं कोई और है

یہ جو چار دن کے ندیم ہیں انہیں کیا فرازؔ کوئی کہے
وہ محبتیں وہ شکایتیں ہمیں جس سے تھیں کوئی اور ہے

yeh jo chaar din ke nadeem hain inhein kya faraz koi kahe
woh mohabbaten woh shikayaten humein jis se theen koi aur hai

ये जो चार दिन के नदीम हैं इन्हें क्या फ़राज़ कोई कहे
वो मोहब्बतें वो शिकायतें हमें जिस से थीं कोई और है