تجھے ہے مشق ستم کا ملال ویسے ہی
ہماری جان تھی جاں پر وبال ویسے ہی

Tujhe hai mashq-e-sitam ka malaal waise hi
Hamaari jaan thi jaan par vabaal waise hi

तुझे है मश्क़-ए-सितम का मलाल वैसे ही
हमारी जान थी जाँ पर वबाल वैसे ही

چلا تھا ذکر زمانے کی بے وفائی کا
سو آ گیا ہے تمہارا خیال ویسے ہی

Chala tha zikr zamane ki be-wafai ka
So aa gaya hai tumhara khayaal waise hi

चला था ज़िक्र ज़माने की बे-वफ़ाई का
सो आ गया है तुम्हारा ख़याल वैसे ही

ہم آ گئے ہیں تہ دام تو نصیب اپنا
وگرنہ اس نے تو پھینکا تھا جال ویسے ہی

Ham aa gaye hain tah-e-daam to naseeb apna
Wagarna us ne to phenka tha jaal waise hi

हम आ गए हैं तह-ए-दाम तो नसीब अपना
वगर्ना उस ने तो फेंका था जाल वैसे ही

میں روکنا ہی نہیں چاہتا تھا وار اس کا
گری نہیں مرے ہاتھوں سے ڈھال ویسے ہی

Main rokna hi nahin chahta tha waar us ka
Giri nahin mire haathon se dhaal waise hi

मैं रोकना ही नहीं चाहता था वार उस का
गिरी नहीं मिरे हाथों से ढाल वैसे ही

زمانہ ہم سے بھلا دشمنی تو کیا رکھتا
سو کر گیا ہے ہمیں پائمال ویسے ہی

Zamana ham se bhala dushmani to kya rakhta
So kar gaya hai hamein paamal waise hi

ज़माना हम से भला दुश्मनी तो क्या रखता
सो कर गया है हमें पामाल वैसे ही

مجھے بھی شوق نہ تھا داستاں سنانے کا
فرازؔ اس نے بھی پوچھا تھا حال ویسے ہی

Mujhe bhi shauq na tha dastaan sunane ka
Faraz us ne bhi poochha tha haal waise hi

मुझे भी शौक़ न था दास्ताँ सुनाने का
फ़राज़ उस ने भी पूछा था हाल वैसे ही