جب بھی آنکھوں میں ترے وصل کا لمحہ چمکا
چشم بے آب کی دہلیز پہ دریا چمکا

Jab bhi aankhon mein tere wasl ka lamha chamka
Chashm-e-be-aab ki dehleez pe dariya chamka

जब भी आँखों में तिरे वस्ल का लम्हा चमका
चश्म-ए-बे-आब की दहलीज़ पे दरिया चमका

فصل گل آئی کھلے باغ میں خوشبو کے علم
دل کے ساحل پہ ترے نام کا تارا چمکا

Fasl-e-gul aayi khule baagh mein khushbu ke alam
Dil ke saahil pe tere naam ka taara chamka

फ़स्ल-ए-गुल आई खुले बाग़ में ख़ुशबू के अलम
दिल के साहिल पे तिरे नाम का तारा चमका

عکس بے نقش ہوئے آئنے دھندلانے لگے
درد کا چاند سر بام تمنا چمکا

Aks be-naqsh hue aaine dhundlaane lage
Dard ka chaand sar-e-baam-e-tamanna chamka

अक्स बे-नक़्श हुए आईने धुँदलाने लगे
दर्द का चाँद सर-ए-बाम-ए-तमन्ना चमका

رنگ آزاد ہوئے گل کی گرہ کھلتے ہی
ایک لمحے میں عجب باغ کا چہرا چمکا

Rang aazaad hue gul ki girah khulte hi
Ek lamhe mein ajab baagh ka chehra chamka

रंग आज़ाद हुए गुल की गिरह खुलते ही
एक लम्हे में अजब बाग़ का चेहरा चमका

پیرہن میں بھی ترا حسن نہ تھا حشر سے کم
جب کھلے بند قبا اور ہی نقشہ چمکا

Pairahan mein bhi tera husn na tha hashr se kam
Jab khule band-e-qaba aur hi naqsha chamka

पैरहन में भी तिरा हुस्न न था हश्र से कम
जब खुले बंद-ए-क़बा और ही नक़्शा चमका

دل کی دیوار پہ اڑتے رہے ملبوس کے رنگ
دیر تک ان میں تری یاد کا سایا چمکا

Dil ki deewaar pe udte rahe malboos ke rang
Der tak un mein teri yaad ka saaya chamka

दिल की दीवार पे उड़ते रहे मलबूस के रंग
देर तक उन में तिरी याद का साया चमका

روح کی آنکھ چکا چوند ہوئی جاتی ہے
کس کی آہٹ کا مرے کان میں نغمہ چمکا

Rooh ki aankh chaka chaund hui jaati hai
Kis ki aahat ka mere kaan mein naghma chamka

रूह की आँख चकाचौंध हुई जाती है
किस की आहट का मिरे कान में नग़्मा चमका

لہریں اٹھ اٹھ کے مگر اس کا بدن چومتی تھیں
وہ جو پانی میں گیا خوب ہی دریا چمکا

Lehrein uth uth ke magar us ka badan choomti theen
Woh jo paani mein gaya khoob hi dariya chamka

लहरें उठ उठ के मगर उस का बदन चूमती थीं
वो जो पानी में गया ख़ूब ही दरिया चमका

ہجر پنپا نہ ترا وصل ہمیں راس آیا
کسی میدان میں تارا نہ ہمارا چمکا

Hijr panpa na tera wasl hamein raas aaya
Kisi maidaan mein taara na hamaara chamka

हिज्र पनपा न तिरा वस्ल हमें रास आया
किसी मैदान में तारा न हमारा चमका

جیسے بارش سے دھلے صحن گلستاں امجدؔ
آنکھ جب خشک ہوئی اور وہ چہرا چمکا

Jaise baarish se dhule sehn-e-gulistaan 'Amjad'
Aankh jab khushk hui aur woh chehra chamka

जैसे बारिश से धुले सहन-ए-गुलिस्ताँ 'अमजद'
आँख जब ख़ुश्क हुई और वो चेहरा चमका