خاموش ہو کیوں داد جفا کیوں نہیں دیتے
بسمل ہو تو قاتل کو دعا کیوں نہیں دیتے

Khamosh ho kyun dad-e-jafa kyun nahin dete
Bismil ho to qatil ko dua kyun nahin dete

ख़ामोश हो क्यों दाद-ए-जफ़ा क्यों नहीं देते
बिस्मिल हो तो क़ातिल को दुआ क्यों नहीं देते

وحشت کا سبب روزن زنداں تو نہیں ہے
مہر و مہ و انجم کو بجھا کیوں نہیں دیتے

Wahshat ka sabab rozan-e-zindan to nahin hai
Mehr-o-mah-o-anjum ko bujha kyun nahin dete

वहशत का सबब रोज़न-ए-ज़िंदाँ तो नहीं है
मेहर-ओ-मह-ओ-अंजुम को बुझा क्यों नहीं देते

اک یہ بھی تو انداز علاج غم جاں ہے
اے چارہ گرو درد بڑھا کیوں نہیں دیتے

Ek yeh bhi to andaz-e-ilaaj-e-gham-e-jaan hai
Aye charagaro dard badha kyun nahin dete

एक यह भी तो अंदाज़-ए-इलाज-ए-ग़म-ए-जाँ है
ऐ चारागरो दर्द बढ़ा क्यों नहीं देते

منصف ہو اگر تم تو کب انصاف کرو گے
مجرم ہیں اگر ہم تو سزا کیوں نہیں دیتے

Munsif ho agar tum to kab insaaf karoge
Mujrim hain agar hum to saza kyun nahin dete

मुंसिफ़ हो अगर तुम तो कब इंसाफ़ करोगे
मुजरिम हैं अगर हम तो सज़ा क्यों नहीं देते

رہزن ہو تو حاضر ہے متاع دل و جاں بھی
رہبر ہو تو منزل کا پتہ کیوں نہیں دیتے

Rahzan ho to hazir hai mataa-e-dil-o-jaan bhi
Rahbar ho to manzil ka pata kyun nahin dete

रहज़न हो तो हाज़िर है मता-ए-दिल-ओ-जाँ भी
रहबर हो तो मंज़िल का पता क्यों नहीं देते

کیا بیت گئی اب کے فرازؔ اہل چمن پر؟
یاران قفس مجھ کو صدا کیوں نہیں دیتے

Kya beet gayi ab ke Faraz ahl-e-chaman par
Yaraan-e-qafas mujh ko sada kyun nahin dete

क्या बीत गई अब के फ़राज़ अहल-ए-चमन पर
यारान-ए-क़फ़स मुझ को सदा क्यों नहीं देते