تمہاری یاد کے جب زخم بھرنے لگتے ہیں
کسی بہانے تمہیں یاد کرنے لگتے ہیں

Tumhari yaad ke jab zakhm bharne lagte hain
Kisi bahaane tumhein yaad karne lagte hain

तुम्हारी याद के जब ज़ख़्म भरने लगते हैं
किसी बहाने तुम्हें याद करने लगते हैं

حدیث یار کے عنواں نکھرنے لگتے ہیں
تو ہر حریم میں گیسو سنورنے لگتے ہیں

Hadees-e-yaar ke unwaan nikharne lagte hain
To har hareem mein gesu sanwarne lagte hain

हदीस-ए-यार के उनवान निखरने लगते हैं
तो हर हरीम में गेसू सँवरने लगते हैं

ہر اجنبی ہمیں محرم دکھائی دیتا ہے
جو اب بھی تیری گلی سے گزرنے لگتے ہیں

Har ajnabi hamein mehram dikhai deta hai
Jo ab bhi teri gali se guzarne lagte hain

हर अजनबी हमें महरम दिखाई देता है
जो अब भी तेरी गली से गुज़रने लगते हैं

صبا سے کرتے ہیں غربت نصیب ذکر وطن
تو چشم صبح میں آنسو ابھرنے لگتے ہیں

Saba se karte hain ghurbat naseeb zikr-e-watan
To chashm-e-subah mein aansu ubharne lagte hain

सबा से करते हैं ग़ुर्बत नसीब ज़िक्र-ए-वतन
तो चश्म-ए-सुबह में आँसू उभरने लगते हैं

وہ جب بھی کرتے ہیں اس نطق و لب کی بخیہ گری
فضا میں اور بھی نغمے بکھرنے لگتے ہیں

Woh jab bhi karte hain us nutq-o-lab ki bakhiya-gari
Fiza mein aur bhi naghme bikharne lagte hain

वो जब भी करते हैं उस नुत्क़-ओ-लब की बखिया-गरी
फ़ज़ा में और भी नग़्मे बिखरने लगते हैं

در قفس پہ اندھیرے کی مہر لگتی ہے
تو فیضؔ دل میں ستارے اترنے لگتے ہیں

Dar-e-qafas pe andhere ki mohr lagti hai
To Faiz dil mein sitare utarne lagte hain

दर-ए-क़फ़स पे अंधेरे की मोहर लगती है
तो फ़ैज़ؔ दिल में सितारे उतरने लगते हैं