اب مجھے گلشن سے کیا جب زیر دام آ ہی گیا
اک نشیمن تھا سو وہ بجلی کے کام آ ہی گیا

Ab mujhe gulshan se kya jab zer-e-daam aa hi gaya
Ik nasheman tha so woh bijli ke kaam aa hi gaya

अब मुझे गुलशन से क्या जब ज़ेर-ए-दाम आ ही गया
इक नशेमन था सो वो बिजली के काम आ ही गया

سن مآل سوز الفت جب یہ نام آ ہی گیا
شمع آخر جل بجھی پروانہ کام آ ہی گیا

Sun ma'al-e-soz-e-ulfat jab yeh naam aa hi gaya
Shama aakhir jal bujhi parwana kaam aa hi gaya

सुन मआल-ए-सोज़-ए-उल्फ़त जब ये नाम आ ही गया
शम्अ आख़िर जल बुझी परवाना काम आ ही गया

طالب دیدار کا اصرار کام آ ہی گیا
سامنے کوئی بحسن انتظام آ ہی گیا

Taalib-e-deedar ka israar kaam aa hi gaya
Saamne koi ba-husn-e-intezaam aa hi gaya

तालिब-ए-दीदार का इसरार काम आ ही गया
सामने कोई ब-हुस्न-ए-इंतिज़ाम आ ही गया

کوشش منزل سے تو اچھی رہی دیوانگی
چلتے پھرتے ان سے ملنے کا مقام آ ہی گیا

Koshish-e-manzil se to acchi rahi deewangi
Chalte phirte un se milne ka maqaam aa hi gaya

कोशिश-ए-मंज़िल से तो अच्छी रही दीवानगी
चलते फिरते उन से मिलने का मक़ाम आ ही गया

راز الفت مرنے والے نے چھپایا تو بہت
دم نکلتے وقت لب پر ان کا نام آ ہی گیا

Raaz-e-ulfat marne waale ne chhupaya to bahut
Dam nikalte waqt lab par un ka naam aa hi gaya

राज़-ए-उल्फ़त मरने वाले ने छुपाया तो बहुत
दम निकलते वक़्त लब पर उन का नाम आ ही गया

کر دیا مشہور پردے میں تجھے زحمت نہ دی
آج کو ہونا ہمارا تیرے کام آ ہی گیا

Kar diya mashhoor parde mein tujhe zahmat na di
Aaj ko hona humara tere kaam aa hi gaya

कर दिया मशहूर पर्दे में तुझे ज़हमत न दी
आज को होना हमारा तेरे काम आ ही गया

جب اٹھا ساقی تو واعظ کی نہ کچھ بھی چل سکی
میری قسمت کی طرح گردش میں جام آ ہی گیا

Jab utha saaqi to waaiz ki na kuch bhi chal saki
Meri qismat ki tarah gardish mein jaam aa hi gaya

जब उठा साक़ी तो वाइज़ की न कुछ भी चल सकी
मेरी क़िस्मत की तरह गर्दिश में जाम आ ही गया

حسن کو بھی عشق کی ضد رکھنی پڑتی ہے کبھی
طور پر موسیٰ سے ملنے کا پیام آ ہی گیا

Husn ko bhi ishq ki zid rakhni padti hai kabhi
Toor par Moosa se milne ka payaam aa hi gaya

हुस्न को भी इश्क़ की ज़िद रखनी पड़ती है कभी
तूर पर मूसा से मिलने का पयाम आ ही गया

دیر تک باب حرم پر رک کے اک مجبور عشق
سوئے بت خانہ خدا کا لے کے نام آ ہی گیا

Dair tak baab-e-haram par ruk ke ik majboor-e-ishq
Soo-e-but-khana khuda ka le ke naam aa hi gaya

देर तक बाब-ए-हरम पर रुक के इक मजबूर-ए-इश्क़
सू-ए-बुतक़ाना ख़ुदा का ले के नाम आ ही गया

رات بھر مانگی دعا ان کے نہ جانے کی قمرؔ
صبح کا تارہ مگر لے کر پیام آ ہی گیا

Raat bhar maangi dua un ke na jaane ki Qamar
Subah ka taara magar le kar payaam aa hi gaya

रात भर मांगी दुआ उन के न जाने की क़मर
सुबह का तारा मगर ले कर पयाम आ ही गया