چلو باد بہاری جا رہی ہے
پیا جی کی سواری جا رہی ہے

Chalo baad-e-bahaari ja rahi hai
Piya ji ki sawaari ja rahi hai

चलो बाद-ए-बहारी जा रही है
पिया जी की सवारी जा रही है

شمال جاودان سبز جاں سے
تمنا کی عماری جا رہی ہے

Shamaal-e-jaavidaan-e-sabz-e-jaan se
Tamanna ki amaari ja rahi hai

शुमाल-ए-जाविदान-ए-सब्ज़-ए-जाँ से
तमन्ना की अमारी जा रही है

فغاں اے دشمن دار دل و جاں
مری حالت سدھاری جا رہی ہے

Fighaan ae dushman-daar-e-dil-o-jaan
Miri haalat sudhaari ja rahi hai

फ़िघाँ ऐ दुश्मन-दार-ए-दिल-ओ-जाँ
मिरी हालत सुधारी जा रही है

ہے پہلو میں ٹکے کی اک حسینہ
تری فرقت گزاری جا رہی ہے

Hai pehlu mein takay ki ik haseena
Tiri furqat guzaari ja rahi hai

है पहलू में टके की इक हसीना
तिरी फ़ुर्क़त गुज़ारी जा रही है

جو ان روزوں مرا غم ہے وہ یہ ہے
کہ غم سے بردباری جا رہی ہے

Jo un rozon mira gham hai woh yeh hai
Ke gham se burdbaari ja rahi hai

जो उन रोज़ों मिरा ग़म है वो ये है
कि ग़म से बुर्दबारी जा रही है

ہے سینے میں عجب اک حشر برپا
کہ دل سے بے قراری جا رہی ہے

Hai seenay mein ajab ik hashr barpa
Ke dil se be-qaraari ja rahi hai

है सीने में अजब इक हश्र बरपा
कि दिल से बे-क़रारी जा रही है

میں پیہم ہار کر یہ سوچتا ہوں
وہ کیا شے ہے جو ہاری جا رہی ہے

Main paiham haar kar yeh sochta hoon
Woh kya shai hai jo haari ja rahi hai

मैं पैहम हार कर ये सोचता हूँ
वो क्या शय है जो हारी जा रही है

دل اس کے رو بہ رو ہے اور گم صم
کوئی عرضی گزاری جا رہی ہے

Dil us ke ru-ba-ru hai aur gum-sum
Koi arzi guzaari ja rahi hai

दिल उस के रू-ब-रू है और गुम-सुम
कोई अर्ज़ी गुज़ारी जा रही है

وہ سید بچہ ہو اور شیخ کے ساتھ
میاں عزت ہماری جا رہی ہے

Woh Sayyad bachcha ho aur Shaikh ke saath
Miyan izzat hamari ja rahi hai

वो सय्यद बच्चा हो और शैख़ के साथ
मियाँ इज़्ज़त हमारी जा रही है

ہے برپا ہر گلی میں شور نغمہ
مری فریاد ماری جا رہی ہے

Hai barpa har gali mein shor-e-naghma
Miri fariyaad maari ja rahi hai

है बरपा हर गली में शोर-ए-नग़मा
मिरी फ़रियाद मारी जा रही है

وہ یاد اب ہو رہی ہے دل سے رخصت
میاں پیاروں کی پیاری جا رہی ہے

Woh yaad ab ho rahi hai dil se rukhsat
Miyan pyaaron ki pyaari ja rahi hai

वो याद अब हो रही है दिल से रुख़सत
मियाँ प्यारों की प्यारी जा रही है

دریغا تیری نزدیکی میاں جان
تری دوری پہ واری جا رہی ہے

Dareghaa tiri nazdeeki miyan jaan
Tiri doori peh vaari ja rahi hai

दरेग़ा तिरी नज़दीकी मियाँ जान
तिरी दूरी पे वारी जा रही है

بہت بد حال ہیں بستی ترے لوگ
تو پھر تو کیوں سنواری جا رہی ہے

Bahut bad-haal hain basti tire log
Toh phir tu kyun sanwaari ja rahi hai

बहुत बद-हाल हैं बस्ती तिरे लोग
तो फिर तू क्यूँ सँवारी जा रही है

تری مرہم نگاہی اے مسیحا
خراش دل پہ واری جا رہی ہے

Tiri marham-nigaahi ae maseeha
Kharaash-e-dil peh vaari ja rahi hai

तिरी मरहम-निगाही ऐ मसीहा
ख़राश-ए-दिल पे वारी जा रही है

خرابے میں عجب تھا شور برپا
دلوں سے انتظاری جا رہی ہے

Kharaabe mein ajab tha shor barpa
Dilon se intezaari ja rahi hai

ख़राबे में अजब था शोर बरपा
दिलों से इंतिज़ारी जा रही है