پیتے ہی سرخ آنکھیں ہیں مست شراب کی
گرمی تو دیکھو ڈوبے ہوئے آفتاب کی

peete hi surkh aankhen hain mast sharaab ki
garmi to dekho doobe hue aaftaab ki

पीते ही सुर्ख़ आँखें हैं मस्त शराब की
गर्मी तो देखो डूबे हुए आफ़ताब की

رخ سے جدا جو حشر میں تم نے نقاب کی
دنیا یہ تاب لائے گی دو آفتاب کی

rukh se juda jo hashr mein tum ne naqab ki
duniya yeh taab laye gi do aaftaab ki

रुख़ से जुदा जो हशर में तुम ने नक़ाब की
दुनिया ये ताब लाएगी दो आफ़ताब की

ساقی یہ رقم سچ ہے جو مجھ پر حساب کی
بوتل پہ ہاتھ رکھ کے قسم کھا شراب کی

saaqi yeh raqam sach hai jo mujh par hisab ki
bootul pe haath rakh ke qasam kha sharaab ki

साक़ी ये रक़म सच है जो मुझ पर हिसाब की
बोतल पे हाथ रख के क़सम खा शराब की

کیا کم تھا حسن باغ کہ اے باغبان حسن
اک شاخ تو نے اور لگا دی شباب کی

kya kam tha husn-e-baagh ke ae baagban-e-husn
ik shaakh tu ne aur laga di shabaab ki

क्या कम था हुस्न-ए-बाग़ कि ऐ बाग़बान-ए-हुस्न
इक शाख़ तू ने और लगा दी शबाब की

وہ تو رہا کلیم کے اصرار کا جواب
اور یہ جو تو نے طور کی مٹی خراب کی

woh to raha kaleem ke israar ka jawaab
aur yeh jo tu ne toor ki mitti kharaab ki

वो तो रहा कलीम के इसरार का जवाब
और ये जो तू ने तूर की मिट्टी ख़राब की

موسیٰ کو اس نے سر پہ چڑھایا بھی تھا بہت
جلوے نے خوب طور کی مٹی خراب کی

moosa ko us ne sar pe chadhaya bhi tha bahut
jalwe ne khoob toor ki mitti kharaab ki

मूस्या को उस ने सर पे चढ़ाया भी था बहुत
जल्वे ने ख़ूब तूर की मिट्टी ख़राब की

پھیرو نہ آنکھیں تم مرے اشکوں کے جوش پر
طوفاں میں ڈوبتی نہیں کشتی حباب کی

pheero na aankhen tum mere ashkon ke josh par
toofan mein doobti nahin kashti habaab ki

फेरो न आँखें तुम मेरे अश्कों के जोश पर
तूफ़ाँ में डूबती नहीं कश्ती हबाब की

اللہ اس کا کچھ بھی جوانی پہ حق نہیں
برسوں دعائیں مانگی ہیں جس نے شباب کی

allah is ka kuch bhi jawaani pe haq nahin
barson duaen maangi hain jis ne shabaab ki

अल्लाह इस का कुछ भी जवानी पे हक़ नहीं
बरसों दुआएँ माँगी हैं जिस ने शबाब की

رکھیے معاف شیخ جی مسجد میں ہجو مے
باتیں خدا کے گھر میں نہ کیجے شراب کی

rakhiye muaaf shaikh ji masjid mein hijw-e-mai
baatein khuda ke ghar mein na kije sharaab ki

रखिए मुआफ़ शैख़ जी मस्जिद में हिज्व-ए-मय
बातें ख़ुदा के घर में न कीजे शराब की

باغ جہاں میں اور بھی تم سے تو ہیں مگر
ہر پھول میں نہیں ہے نزاکت گلاب کی

baagh-e-jahaan mein aur bhi tum se to hain magar
har phool mein nahin hai nazakat gulaab ki

बाग़-ए-जहाँ में और भी तुम से तो हैं मगर
हर फूल में नहीं है नज़ाकत गुलाब की

جب سے گئے ہیں دیکھ کے تارے وہ اے قمرؔ
صورت بدل گئی ہے شب ماہتاب کی

jab se gaye hain dekh ke taare woh ae qamar
soorat badal gayi hai shab-e-mahtaab ki

जब से गए हैं देख के तारे वो ऐ क़मर
सूरते बदल गई है शब-ए-महताब की