جب تجھے یاد کریں کار جہاں کھینچتا ہے
اور پھر عشق وہی کوہ گراں کھینچتا ہے

Jab tujhe yaad karein kaar-e-jahaan kheenchta hai
Aur phir ishq wahi koh-e-giraan kheenchta hai

जब तुझे याद करें कार-ए-जहाँ खींचता है
और फिर इश्क़ वही कोह-ए-गिराँ खींचता है

کسی دشمن کا کوئی تیر نہ پہنچا مجھ تک
دیکھنا اب کے مرا دوست کماں کھینچتا ہے

Kisi dushman ka koi teer na pahuncha mujh tak
Dekhna ab ke mera dost kamaan kheenchta hai

किसी दुश्मन का कोई तीर न पहुँचा मुझ तक
देखना अब के मेरा दोस्त कमाँ खींचता है

عہد فرصت میں کسی یار گزشتہ کا خیال
جب بھی آتا ہے تو جیسے رگ جاں کھینچتا ہے

Ahd-e-fursat mein kisi yaar-e-guzashta ka khayaal
Jab bhi aata hai to jaise rag-e-jaan kheenchta hai

अहद-ए-फ़ुर्सत में किसी यार-ए-गुज़श्ता का ख़याल
जब भी आता है तो जैसे रग-ए-जाँ खींचता है

دل کے ٹکڑوں کو کہاں جوڑ سکا ہے کوئی
پھر بھی آوازۂ آئینہ گراں کھینچتا ہے

Dil ke tukdon ko kahaan jod saka hai koi
Phir bhi aawaza-e-aaina-giraan kheenchta hai

दिल के टुकड़ों को कहाँ जोड़ सका है कोई
फिर भी आवाज़ा-ए-आईना-गिराँ खींचता है

انتہا عشق کی کوئی نہ ہوس کی کوئی
دیکھنا یہ ہے کہ حد کون کہاں کھینچتا ہے

Intiha ishq ki koi na hawas ki koi
Dekhna yeh hai ke had kaun kahaan kheenchta hai

इंतिहा इश्क़ की कोई न हवस की कोई
देखना यह है कि हद कौन कहाँ खींचता है

کھنچتے جاتے ہیں رسن بستہ غلاموں کی طرح
جس طرف قافلۂ عمر رواں کھینچتا ہے

Khinchte jaate hain rasan-basta ghulaamon ki tarah
Jis taraf qaafila-e-umr-e-rawaan kheenchta hai

खिंचते जाते हैं रसन-बस्ता ग़ुलामों की तरह
जिस तरफ़ क़ाफ़िला-ए-उम्र-ए-रवाँ खींचता है

ہم تو رہوار زبوں ہیں وہ مقدر کا سوار
خود ہی مہمیز کرے خود ہی عناں کھینچتا ہے

Ham to rahwaar-e-zaboon hain woh muqaddar ka sawaar
Khud hi mahmeez kare khud hi anaan kheenchta hai

हम तो रहवार-ए-ज़बूँ हैं वो मुक़द्दर का सवार
ख़ुद ही महमीज़ करे ख़ुद ही अनाँ खींचता है

رشتۂ تیغ و گلو اب بھی سلامت ہے فرازؔ
اب بھی مقتل کی طرف دل سا جواں کھینچتا ہے

Rishta-e-tegh-o-gulu ab bhi salaamat hai Faraz
Ab bhi maqtal ki taraf dil sa jawaan kheenchta hai

रिश्ता-ए-तेग़-ओ-गुलू अब भी सलामत है फ़राज़
अब भी मक़्तल की तरफ़ दिल सा जवाँ खींचता है