آئینوں میں عکس نہ ہوں تو حیرت رہتی ہے
جیسے خالی آنکھوں میں بھی وحشت رہتی ہے

Aainon mein aks na hon to hairat rehti hai
Jaise khaali aankhon mein bhi wehshat rehti hai

आईनों में अक्स न हों तो हैरत रहती है
जैसे ख़ाली आँखों में भी वहशत रहती है

ہر دم دنیا کے ہنگامے گھیرے رکھتے تھے
جب سے تیرے دھیان لگے ہیں فرصت رہتی ہے

Har dam dunya ke hangaame ghere rakhte the
Jab se tere dhiyaan lage hain fursat rehti hai

हर दम दुनिया के हंगामे घेरे रखते थे
जब से तेरे ध्यान लगे हैं फ़ुर्सत रहती है

کرنی ہے تو کھل کے کرو انکار وفا کی بات
بات ادھوری رہ جائے تو حسرت رہتی ہے

Karni hai to khul ke karo inkaar-e-wafa ki baat
Baat adhoori reh jaaye to hasrat rehti hai

करनी है तो खुल के करो इंकार-ए-वफ़ा की बात
बात अधूरी रह जाए तो हसरत रहती है

شہر سخن میں ایسا کچھ کر عزت بن جائے
سب کچھ مٹی ہو جاتا ہے عزت رہتی ہے

Shehr-e-sukhan mein aisa kuch kar izzat ban jaaye
Sab kuch mitti ho jaata hai izzat rehti hai

शहर-ए-सुख़न में ऐसा कुछ कर इज़्ज़त बन जाए
सब कुछ मिट्टी हो जाता है इज़्ज़त रहती है

بنتے بنتے ڈھ جاتی ہے دل کی ہر تعمیر
خواہش کے بہروپ میں شاید قسمت رہتی ہے

Bante bante dhah jaati hai dil ki har ta'ameer
Khwahish ke behroop mein shaayad qismat rehti hai

बनते बनते ढह जाती है दिल की हर तामीर
ख़्वाहिश के बहरूप में शायद क़िस्मत रहती है

سائے لرزتے رہتے ہیں شہروں کی گلیوں میں
رہتے تھے انسان جہاں اب دہشت رہتی ہے

Saaye larazte rehte hain shehron ki galiyon mein
Rehte the insaan jahan ab dehshat rehti hai

साए लरज़ते रहते हैं शहरों की गलियों में
रहते थे इंसान जहाँ अब दहशत रहती है

موسم کوئی خوشبو لے کر آتے جاتے ہیں
کیا کیا ہم کو رات گئے تک وحشت رہتی ہے

Mausam koi khushbu le kar aate jaate hain
Kya kya hum ko raat gaye tak wehshat rehti hai

मौसम कोई ख़ुशबू ले कर आते जाते हैं
क्या क्या हम को रात गए तक वहशत रहती है

دھیان میں میلہ سا لگتا ہے بیتی یادوں کا
اکثر اس کے غم سے دل کی صحبت رہتی ہے

Dhiyaan mein mela sa lagta hai beeti yaadon ka
Aksar us ke gham se dil ki sohbat rehti hai

ध्यान में मेला सा लगता है बीती यादों का
अक्सर उस के ग़म से दिल की सोहबत रहती है

پھولوں کی تختی پر جیسے رنگوں کی تحریر
لوح سخن پر ایسے امجدؔ شہرت رہتی ہے

Phoolon ki takhti par jaise rangon ki tehreer
Lauh-e-sukhan par aise 'Amjad' shohrat rehti hai

फूलों की तख़्ती पर जैसे रंगों की तहरीर
लौह-ए-सुख़न पर ऐसे 'अमजद' शोहरत रहती है