کمال ضبط کو خود بھی تو آزماؤں گی
میں اپنے ہاتھ سے اس کی دلہن سجاؤں گی

Kamaal-e-zabt ko khud bhi to aazmaaungi
Main apne haath se us ki dulhan sajaaungi

कमाल-ए-ज़ब्त को ख़ुद भी तो आज़माऊँगी
मैं अपने हाथ से उस की दुल्हन सजाऊँगी

سپرد کر کے اسے چاندنی کے ہاتھوں میں
میں اپنے گھر کے اندھیروں کو لوٹ آؤں گی

Supurd kar ke use chaandni ke haathon mein
Main apne ghar ke andheron ko laut aaungi

सुपुर्द कर के उसे चाँदनी के हाथों में
मैं अपने घर के अंधेरों को लौट आऊँगी

بدن کے کرب کو وہ بھی سمجھ نہ پائے گا
میں دل میں روؤں گی آنکھوں میں مسکراؤں گی

Badan ke karb ko woh bhi samajh na paaye ga
Main dil mein roungi aankhon mein muskuraaungi

बदन के कर्ब को वो भी समझ न पाए गा
मैं दिल में रोऊँगी आँखों में मुस्कुराऊँगी

وہ کیا گیا کہ رفاقت کے سارے لطف گئے
میں کس سے روٹھ سکوں گی کسے مناؤں گی

Woh kya gaya ke rafaaqat ke saare lutf gaye
Main kis se rooth sakungi kise manaaungi

वो क्या गया कि रफ़ाक़त के सारे लुत्फ़ गए
मैं किस से रूठ सकूँगी किसे मनाऊँगी

اب اس کا فن تو کسی اور سے ہوا منسوب
میں کس کی نظم اکیلے میں گنگناؤں گی

Ab us ka fun to kisi aur se hua mansoob
Main kis ki nazm akele mein gungunaaungi

अब उस का फ़न तो किसी और से हुआ मंसूब
मैं किस की नज़्म अकेले में गुनगुनाऊँगी

وہ ایک رشتۂ بے نام بھی نہیں لیکن
میں اب بھی اس کے اشاروں پہ سر جھکاؤں گی

Woh ek rishta-e-be-naam bhi nahin lekin
Main ab bhi us ke ishaaron pe sar jhukaaungi

वो एक रिश्ता-ए-बे-नाम भी नहीं लेकिन
मैं अब भी उस के इशारों पे सर झुकाऊँगी

بچھا دیا تھا گلابوں کے ساتھ اپنا وجود
وہ سو کے اٹھے تو خوابوں کی راکھ اٹھاؤں گی

Bichha diya tha gulaabon ke saath apna wajood
Woh so ke uthe to khwaabon ki raakh uthaaungi

बिछा दिया था गुलाबों के साथ अपना वजूद
वो सो के उठे तो ख़्वाबों की राख उठाऊँगी

سماعتوں میں گھنے جنگلوں کی سانسیں ہیں
میں اب کبھی تری آواز سن نہ پاؤں گی

Sama'aton mein ghane jangalon ki saansein hain
Main ab kabhi tiri awaaz sun na paaungi

समाअतों में घने जंगलों की साँसें हैं
मैं अब कभी तिरी आवाज़ सुन न पाऊँगी

جواز ڈھونڈ رہا تھا نئی محبت کا
وہ کہہ رہا تھا کہ میں اس کو بھول جاؤں گی

Jawaaz dhoondh raha tha nayi mohabbat ka
Woh keh raha tha ke main us ko bhool jaaungi

जवाज़ ढूँढ रहा था नई मोहब्बत का
वो कह रहा था कि मैं उस को भूल जाऊँगी