سامنے اس کے کبھی اس کی ستائش نہیں کی
دل نے چاہا بھی اگر ہونٹوں نے جنبش نہیں کی

Saamne us ke kabhi us ki sataish nahin ki
Dil ne chaaha bhi agar honton ne jumbish nahin ki

सामने उस के कभी उस की सताइश नहीं की
दिल ने चाहा भी अगर होंटों ने जुम्बिश नहीं की

اہل محفل پہ کب احوال کھلا ہے اپنا
میں بھی خاموش رہا اس نے بھی پرسش نہیں کی

Ahl-e-mahfil pe kab ahwaal khula hai apna
Mein bhi khaamosh raha us ne bhi pursish nahin ki

अहल-ए-महफ़िल पे कब अहवाल खुला है अपना
मैं भी ख़ामोश रहा उस ने भी पुर्सिश नहीं की

جس قدر اس سے تعلق تھا چلے جاتا ہے
اس کا کیا رنج ہو جس کی کبھی خواہش نہیں کی

Jis qadar us se ta'alluq tha chale jaata hai
Us ka kya ranj ho jis ki kabhi khwaahish nahin ki

जिस क़दर उस से तअल्लुक़ था चले जाता है
उस का क्या रंज हो जिस की कभी ख़्वाहिश नहीं की

یہ بھی کیا کم ہے کہ دونوں کا بھرم قائم ہے
اس نے بخشش نہیں کی ہم نے گزارش نہیں کی

Yeh bhi kya kam hai ke donon ka bharam qaaim hai
Us ne bakhshish nahin ki hum ne guzaarish nahin ki

यह भी क्या कम है कि दोनों का भरम क़ाइम है
उस ने बख़्शिश नहीं की हम ने गुज़ारिश नहीं की

اک تو ہم کو ادب آداب نے پیاسا رکھا
اس پہ محفل میں صراحی نے بھی گردش نہیں کی

Ik to hum ko adab aadaab ne pyaasa rakha
Us pe mahfil mein suraahi ne bhi gardish nahin ki

इक तो हम को अदब आदाब ने प्यासा रक्खा
उस पे महफ़िल में सुराही ने भी गर्दिश नहीं की

ہم کہ دکھ اوڑھ کے خلوت میں پڑے رہتے ہیں
ہم نے بازار میں زخموں کی نمائش نہیں کی

Hum ke dukh odh ke khalwat mein pade rahte hain
Hum ne bazaar mein zakhmon ki numaaish nahin ki

हम कि दुख ओढ़ के ख़ल्वत में पड़े रहते हैं
हम ने बाज़ार में ज़ख़्मों की नुमाइश नहीं की

اے مرے ابر کرم دیکھ یہ ویرانۂ جاں
کیا کسی دشت پہ تو نے کبھی بارش نہیں کی

Aye mere abr-e-karam dekh yeh weeraana-e-jaan
Kya kisi dasht pe tu ne kabhi baarish nahin ki

ऐ मेरे अब्र-ए-करम देख यह वीराना-ए-जाँ
क्या किसी दश्त पे तू ने कभी बारिश नहीं की

کٹ مرے اپنے قبیلے کی حفاظت کے لیے
مقتل شہر میں ٹھہرے رہے جنبش نہیں کی

Kat mare apne qabeele ki hifaazat ke liye
Maqtal-e-shahar mein thehre rahe jumbish nahin ki

कट मरे अपने क़बीले की हिफ़ाज़त के लिए
मक़्तल-ए-शहर में ठहरे रहे जुम्बिश नहीं की

وہ ہمیں بھول گیا ہو تو عجب کیا ہے فرازؔ
ہم نے بھی میل ملاقات کی کوشش نہیں کی

Wo hamein bhool gaya ho to ajab kya hai Faraz
Hum ne bhi mail-mulaaqat ki koshish nahin ki

वह हमें भूल गया हो तो अजब क्या है फ़राज़
हम ने भी मेल-मुलाक़ात की कोशिश नहीं की