پردے میں لاکھ پھر بھی نمودار کون ہے
ہے جس کے دم سے گرمئ بازار کون ہے

Parde mein laakh phir bhi namoodaar kaun hai
Hai jis ke dam se garmi-e-bazaar kaun hai

परदे में लाख फिर भी नुमूदार कौन है
है जिस के दम से गर्मी-ए-बाज़ार कौन है

وہ سامنے ہے پھر بھی دکھائی نہ دے سکے
میرے اور اس کے بیچ یہ دیوار کون ہے

Woh saamne hai phir bhi dikhaai na de sake
Mere aur us ke beech yeh deewaar kaun hai

वो सामने है फिर भी दिखाई न दे सके
मेरे और उस के बीच यह दीवार कौन है

باغ وفا میں ہو نہیں سکتا یہ فیصلہ
صیاد یاں پہ کون گرفتار کون ہے

Baagh-e-wafa mein ho nahin sakta yeh faisla
Sayyaad yaan pe kaun giraftaar kaun hai

बाग़-ए-वफ़ा में हो नहीं सकता यह फ़ैसला
सय्याद याँ पे कौन गिरफ़्तार कौन है

مانا نظر کے سامنے ہے بے شمار دھند
ہے دیکھنا کہ دھند کے اس پار کون ہے

Maana nazar ke saamne hai be-shumaar dhund
Hai dekhna ke dhund ke uss paar kaun hai

माना नज़र के सामने है बे-शुमार धुँद
है देखना के धुँद के उस पार कौन है

کچھ بھی نہیں ہے پاس پہ رہتا ہے پھر بھی خوش
سب کچھ ہے جس کے پاس وہ بیزار کون ہے

Kuchh bhi nahin hai paas pe rehta hai phir bhi khush
Sab kuchh hai jis ke paas woh bezaar kaun hai

कुछ भी नहीं है पास पे रहता है फिर भी ख़ुश
सब कुछ है जिस के पास वो बेज़ार कौन है

یوں تو دکھائی دیتے ہیں اسرار ہر طرف
کھلتا نہیں کہ صاحب اسرار کون ہے

Yun to dikhaai dete hain asraar har taraf
Khulta nahin ke saahib-e-asraar kaun hai

यूँ तो दिखाई देते हैं असरार हर तरफ़
खुलता नहीं के साहिब-ए-असरार कौन है

امجدؔ الگ سی آپ نے کھولی ہے جو دکاں
جنس ہنر کا یاں یہ خریدار کون ہے

Amjad alag si aap ne kholi hai jo dukaan
Jins-e-hunar ka yaan yeh khareedaar kaun hai

अमजद अलग सी आप ने खोली है जो दुकाँ
जिन्स-ए-हुनर का याँ यह ख़रीदार कौन है