تیرے ہوتے ہوئے محفل میں جلاتے ہیں چراغ
لوگ کیا سادہ ہیں سورج کو دکھاتے ہیں چراغ

Tere hote hue mahfil mein jalaate hain chiraag
Log kya saada hain sooraj ko dikhaate hain chiraag

तेरे होते हुए महफ़िल में जलाते हैं चराग़
लोग क्या सादा हैं सूरज को दिखाते हैं चराग़

اپنی محرومی کے احساس سے شرمندہ ہیں
خود نہیں رکھتے تو اوروں کے بجھاتے ہیں چراغ

Apni mahroomi ke ehsaas se sharminda hain
Khud nahin rakhte to auron ke bujhaate hain chiraag

अपनी महरूमी के एहसास से शर्मिंदा हैं
ख़ुद नहीं रखते तो औरों के बुझाते हैं चराग़

بستیاں دور ہوئی جاتی ہیں رفتہ رفتہ
دم بہ دم آنکھوں سے چھپتے چلے جاتے ہیں چراغ

Bastiyaan door hui jaati hain rafta-rafta
Dam-ba-dam aankhon se chhupte chale jaate hain chiraag

बस्तियाँ दूर हुई जाती हैं रफ़्ता-रफ़्ता
दम-ब-दम आँखों से छुपते चले जाते हैं चराग़

کیا خبر ان کو کہ دامن بھی بھڑک اٹھتے ہیں
جو زمانے کی ہواؤں سے بچاتے ہیں چراغ

Kya khabar un ko ke daaman bhi bharak uthte hain
Jo zamaane ki hawaon se bachaate hain chiraag

क्या ख़बर उन को कि दामन भी भड़क उठते हैं
जो ज़माने की हवाओं से बचाते हैं चराग़

گو سیہ بخت ہیں ہم لوگ پہ روشن ہے ضمیر
خود اندھیرے میں ہیں دنیا کو دکھاتے ہیں چراغ

Go siyah-bakht hain ham log pah roshan hai zameer
Khud andhere mein hain duniya ko dikhaate hain chiraag

गो सियह-बख़्त हैं हम लोग पह रोशन है ज़मीर
ख़ुद अंधेरे में हैं दुनिया को दिखाते हैं चराग़

بستیاں چاند ستاروں کی بسانے والو
کرۂ ارض پہ بجھتے چلے جاتے ہیں چراغ

Bastiyaan chaand sitaron ki basaane waalo
Kura-e-arz pah bujhte chale jaate hain chiraag

बस्तियाँ चाँद सितारों की बसाने वालो
कुर्रा-ए-अर्ज़ पह बुझते चले जाते हैं चराग़

ایسے بے درد ہوئے ہم بھی کہ اب گلشن پر
برق گرتی ہے تو زنداں میں جلاتے ہیں چراغ

Aise be-dard hue ham bhi ke ab gulshan par
Barq girti hai to zindaan mein jalaate hain chiraag

ऐसे बे-दर्द हुए हम भी कि अब गुलशन पर
बर्क़ गिरती है तो ज़िंदाँ में जलाते हैं चराग़

ایسی تاریکیاں آنکھوں میں بسی ہیں کہ فرازؔ
رات تو رات ہے ہم دن کو جلاتے ہیں چراغ

Aisi taareekiyaan aankhon mein basi hain ke Faraz
Raat to raat hai ham din ko jalaate hain chiraag

ऐसी तारीखियाँ आँखों में बसी हैं कि फ़राज़
रात तो रात है हम दिन को जलाते हैं चराग़