ہیں بعد مرے مرگ کے آثار سے اب تک
سوکھا نہیں لوہو در و دیوار سے اب تک

Hain baad mere marg ke aasaar se ab tak
Sookha nahin lohu dar-o-deewaar se ab tak

हैं बाद मिरे मर्ग के आसार से अब तक
सूखा नहीं लोहू दर-ओ-दीवार से अब तक

رنگینیٔ عشق اس کے ملے پر ہوئی معلوم
صحبت نہ ہوئی تھی کسی خونخوار سے اب تک

Rangini-e-ishq us ke mile par hui maaloom
Sohbat na hui thi kisi khoonkhwaar se ab tak

रंगीनी-ए-इश्क़ उस के मिले पर हुई मालूम
सोहबत न हुई थी किसी ख़ूँख़्वार से अब तक

کب سے متحمل ہے جفاؤں کا دل زار
زنہار وفا ہو نہ سکی یار سے اب تک

Kab se mutahammil hai jafaaon ka dil-e-zaar
Zinhaar wafa ho na saki yaar se ab tak

कब से मुतहम्मिल है जफ़ाओं का दिल-ए-ज़ार
ज़िन्हार वफ़ा हो न सकी यार से अब तक

ابرو ہی کی جنبش نے یہ ستھراؤ کیے ہیں
مارا نہیں ان نے کوئی تلوار سے اب تک

Abru hi ki jumbish ne yeh suthraao kiye hain
Maara nahin un ne koi talwaar se ab tak

अब्रू ही की जुम्बिश ने ये सुथराओ किए हैं
मारा नहीं उन ने कोई तलवार से अब तक

وعدہ بھی قیامت کا بھلا کوئی ہے وعدہ
پر دل نہیں خالی غم دیدار سے اب تک

Waada bhi qayamat ka bhala koi hai waada
Par dil nahin khaali gham-e-deedar se ab tak

वादा भी क़यामत का भला कोई है वादा
पर दिल नहीं ख़ाली ग़म-ए-दीदार से अब तक

مدت ہوئی گھٹ گھٹ کے ہمیں شہر میں مرتے
واقف نہ ہوا کوئی اس اسرار سے اب تک

Muddat hui ghutt ghutt ke hamein shehar mein marte
Waaqif na hua koi is asraar se ab tak

मुद्दत हुई घुट घुट के हमें शहर में मरते
वाक़िफ़ न हुआ कोई इस असरार से अब तक

برسوں ہوئے دل سوختہ بلبل کو موئے لیک
اک دود سا اٹھتا ہے چمن زار سے اب تک

Barson hue dil-sokhta bulbul ko moye laik
Ik dood sa uthta hai chaman-zaar se ab tak

बरसों हुए दिल-सोख़्ता बुलबुल को मोए लैक
इक दूद सा उठता है चमन-ज़ार से अब तक

کیا جانیے ہوتے ہیں سخن لطف کے کیسے
پوچھا نہیں ان نے تو ہمیں پیار سے اب تک

Kya jaaniye hote hain sukhan lutf ke kaise
Poochha nahin un ne to hamein pyaar se ab tak

क्या जानिए होते हैं सुख़न लुत्फ़ के कैसे
पूछा नहीं उन ने तो हमें प्यार से अब तक

اس باغ میں اغلب ہے کہ سرزد نہ ہوا ہو
یوں نالہ کسو مرغ گرفتار سے اب تک

Is baagh mein aghlab hai ke sar-zad na hua ho
Yun naala kisu murgh-e-giraftaar se ab tak

इस बाग़ में अग़लब है कि सर-ज़द न हुआ हो
यूँ नाला किसू मुर्ग़-ए-गिरफ़्तार से अब तक

خط آئے پہ بھی دن ہے سیہ تم سے ہمارا
جاتا نہیں اندھیر یہ سرکار سے اب تک

Khat aaye pe bhi din hai siyah tum se hamaara
Jaata nahin andher yeh sarkaar se ab tak

ख़त आए पे भी दिन है सियह तुम से हमारा
जाता नहीं अंधेर ये सरकार से अब तक

نکلا تھا کہیں وہ گل نازک شب مہ میں
سو کوفت نہیں جاتی ہے رخسار سے اب تک

Nikla tha kahin woh gul-e-naazuk shab-e-mah mein
So koft nahin jaati hai rukhsaar se ab tak

निकला था कहीं वो गुल-ए-नाज़ुक शब-ए-मह में
सो कोफ़्त नहीं जाती है रुख़सार से अब तक

دیکھا تھا کہیں سایہ ترے قد کا چمن میں
ہیں میرؔ جی آوارہ پری دار سے اب تک

Dekha tha kahin saaya tire qad ka chaman mein
Hain Mir ji aawaara pari-daar se ab tak

देखा था कहीं साया तिरे क़द का चमन में
हैं 'मीर' जी आवारा परी-दार से अब तक