حسن مرہون جوش بادۂ ناز
عشق منت کش فسون نیاز

Husn marhoon josh-e-baada-e-naaz
Ishq minnat-kash-e-fusoon-e-niyaaz

हुस्न मरहून जोश-ए-बादः-ए-नाज़
इश्क़ मिन्नत-कश-ए-फुसून-ए-नियाज़

دل کا ہر تار لرزش پیہم
جاں کا ہر رشتہ وقف سوز و گداز

Dil ka har taar larzish-e-paiham
Jaan ka har rishta waqf-e-soz-o-gudaaz

दिल का हर तार लर्ज़िश-ए-पैहम
जाँ का हर रिश्ता वक़्फ़-ए-सोज़-ओ-गुदाज़

سوزش درد دل کسے معلوم
کون جانے کسی کے عشق کا راز

Sozish-e-dard-e-dil kise maloom
Kaun jaane kisi ke ishq ka raaz

सोज़िश-ए-दर्द-ए-दिल किसे मालूम
कौन जाने किसी के इश्क़ का राज़

میری خاموشیوں میں لرزاں ہے
میرے نالوں کی گم شدہ آواز

Meri khamoshiyon mein larzaan hai
Mere naalon ki gum-shuda aawaaz

मेरी ख़ामोशियों में लर्ज़ां है
मेरे नालों की गुम-शुदा आवाज़

ہو چکا عشق اب ہوس ہی سہی
کیا کریں فرض ہے ادائے نماز

Ho chuka ishq ab hawas hi sahi
Kya karen farz hai ada-e-namaaz

हो चुका इश्क़ अब हवस ही सही
क्या करें फ़र्ज़ है अदा-ए-नमाज़

تو ہے اور اک تغافل پیہم
میں ہوں اور انتظار بے انداز

Tu hai aur ek taghaful-e-paiham
Main hoon aur intezaar-e-be-andaz

तू है और एक तग़ाफ़ुल-ए-पैहम
मैं हूँ और इंतेज़ार-ए-बे-अंदाज़

خوف ناکامئ امید ہے فیضؔ
ورنہ دل توڑ دے طلسم مجاز

Khauf-e-naakaami-e-umeed hai Faiz
Warna dil tod de tilism-e-majaaz

ख़ौफ़-ए-नाकामी-ए-उम्मीद है फ़ैज़
वरना दिल तोड़ दे तिलिस्म-ए-मजाज़