جس سر کو غرور آج ہے یاں تاجوری کا
کل اس پہ یہیں شور ہے پھر نوحہ گری کا

Jis sar ko ghuroor aaj hai yaan taajwari ka
Kal us pe yaheen shor hai phir nauha-gari ka

जिस सर को ग़ुरूर आज है यां ताजवरी का
कल उस पे यहीं शोर है फिर नौहा-गरी का

شرمندہ ترے رخ سے ہے رخسار پری کا
چلتا نہیں کچھ آگے ترے کبک دری کا

Sharminda tere rukh se hai rukhsar pari ka
Chalta nahin kuch aage tere kabk-e-dari ka

शर्मिंदा तेरे रुख से है रुख़्सार परी का
चलता नहीं कुछ आगे तेरे कबक-ए-दरी का

آفاق کی منزل سے گیا کون سلامت
اسباب لٹا راہ میں یاں ہر سفری کا

Aafaq ki manzil se gaya kaun salaamat
Asbaab luta raah mein yaan har safri ka

आफ़ाक़ की मंज़िल से गया कौन सलामत
अस्बाब लुटा राह में यां हर सफ़री का

زنداں میں بھی شورش نہ گئی اپنے جنوں کی
اب سنگ مداوا ہے اس آشفتہ سری کا

Zindaan mein bhi shorish na gayi apne junoon ki
Ab sang madaawa hai is aashufta-sari ka

ज़िंदां में भी शोरिश न गई अपने जुनूं की
अब संग मदावा है इस आशुफ़्ता-सरी का

ہر زخم جگر داور محشر سے ہمارا
انصاف طلب ہے تری بیداد گری کا

Har zakhm-e-jigar daawar-e-mahshar se hamara
Insaaf talab hai teri bedaad-gari ka

हर ज़ख़्म-ए-जिगर दावर-ए-महशर से हमारा
इंसाफ़ तलब है तेरी बेदाद-गरी का

اپنی تو جہاں آنکھ لڑی پھر وہیں دیکھو
آئینے کو لپکا ہے پریشاں نظری کا

Apni to jahaan aankh ladi phir waheen dekho
Aaine ko lapka hai pareshan-nazari ka

अपनी तो जहां आँख लड़ी फिर वहीं देखो
आईने को लपका है परेशां-नज़री का

صد موسم گل ہم کو تہ بال ہی گزرے
مقدور نہ دیکھا کبھو بے بال و پری کا

Sad mausam-e-gul hum ko tah-e-baal hi guzre
Maqdoor na dekha kabhu be-baal-o-pari ka

सद मौसम-ए-गुल हम को तह-ए-बाल ही गुज़रे
मक़दूर न देखा कभू बे-बाल-ओ-परी का

اس رنگ سے جھمکے ہے پلک پر کہ کہے تو
ٹکڑا ہے مرا اشک عقیق جگری کا

Is rang se jhumke hai palak par ke kahe tu
Tikra hai mera ashk-e-aqeeq-e-jigari ka

इस रंग से झमके है पलक पर कि कहे तू
टिकड़ा है मेरा अश्क-ए-अक़ीक़-ए-जिगरी का

کل سیر کیا ہم نے سمندر کو بھی جا کر
تھا دست نگر پنجۂ مژگاں کی تری کا

Kal sair kiya hum ne samandar ko bhi ja kar
Tha dast-e-nagar panja-e-mizhgaan ki tari ka

कल सैर किया हम ने समंदर को भी जा कर
था दस्त-ए-नगर पंजा-ए-मिज़गां की तरी का

لے سانس بھی آہستہ کہ نازک ہے بہت کام
آفاق کی اس کارگہ شیشہ گری کا

Le saans bhi aahista ke naazuk hai bahut kaam
Aafaq ki is kaargah-e-sheesha-gari ka

ले सांस भी आहिस्ता कि नाज़ुक है बहुत काम
आफ़ाक़ की इस कारगह-ए-शीशा-गरी का

ٹک میرؔ جگر سوختہ کی جلد خبر لے
کیا یار بھروسا ہے چراغ سحری کا

Tik Meer-e-jigar-sokhta ki jald khabar le
Kya yaar bharosa hai chiraag-e-sahari ka

टिक मीर-ए-जिगर-सोख़्ता की जल्द ख़बर ले
क्या यार भरोसा है चराग़-ए-सहरी का