لو ہم مریض عشق کے بیمار دار ہیں
اچھا اگر نہ ہو تو مسیحا کا کیا علاج

Lo hum mareez-e-ishq ke beemaar-daar hain
Achha agar na ho toh maseeha ka kya ilaaj

लो हम मरीज़-ए-इश्क़ के बीमार-दार हैं
अच्छा अगर न हो तो मसीहा का क्या इलाज

جنبش ہر برگ سے ہے گل کے لب کو اختلاج
حب شبنم سے صبا ہر صبح کرتی ہے علاج

Jumbish-e-har barg se hai gul ke lab ko ikhtilaaj
Hubb-e-shabnam se saba har subah karti hai ilaaj

जुम्बिश-ए-हर बर्ग से है गुल के लब को इख़्तिलाज
हुब्ब-ए-शबनम से सबा हर सुबह करती है इलाज

شاخ گل جنبش میں ہے گہوارہ آسا ہر نفس
طفل شوخ غنچۂ گل بسکہ ہے وحشی مزاج

Shaakh-e-gul jumbish mein hai gahwaara-aasa har nafas
Tifl-e-shokh ghuncha-e-gul bas ke hai wahshi-mizaaj

शाख़-ए-गुल जुम्बिश में है गहवारा-आसा हर नफ़स
तिफ़्ल-ए-शोख़ ग़ुंचा-ए-गुल बस के है वहशी-मिज़ाज

سیر ملک حسن کر مے خانہ ہا نذر خمار
چشم مست یار سے ہے گردن مینا پہ باج

Sair-e-mulk-e-husn kar mai-khaana-ha nazr-e-khumaar
Chashm-e-mast-e-yaar se hai gardan-e-meena pe baaj

सैर-ए-मुल्क-ए-हुस्न कर मय-ख़ाना-हा नज़्र-ए-ख़ुमार
चश्म-ए-मस्त-ए-यार से है गर्दन-ए-मीना पे बाज

گریہ ہائے بے دلاں گنج شرر در آستیں
قہرمان عشق میں حسرت سے لیتے ہیں خراج

Girya-haaye be-dilaan ganj-e-sharar dar aasteen
Qahramaan-e-ishq mein hasrat se lete hain kharaaj

गिर्या-हाए-बे-दिलां गंज-ए-शरर दर आस्तीं
क़हरमान-ए-इश्क़ में हसरत से लेते हैं ख़राज

رنگریز جسم و جاں نے از خمستان عدم
خرقۂ ہستی نکالا ہے برنگ احتیاج

Rangrez-e-jism-o-jaan ne az khumistaan-e-adam
Khirqa-e-hasti nikaala hai ba-rang-e-ehtiyaaj

रंगरेज़-ए-जिस्म-ओ-जां ने अज़ ख़ुमस्तान-ए-अदम
ख़िर्क़ा-ए-हस्ती निकाला है ब-रंग-ए-एहतियाज

ہے سواد چشم قربانی میں یک عالم مقیم
حسرت فرصت جہاں دیتی ہے حیرت کو رواج

Hai sawaad-e-chashm-e-qurbaani mein yak aalam muqeem
Hasrat-e-fursat jahaan deti hai hairat ko riwaaj

है सवाद-ए-चश्म-ए-क़ुर्बानी में यक आलम मुक़ीम
हसरत-ए-फ़ुर्सत जहाँ देती है हैरत को रिवाज

اے اسدؔ ہے مستعد شانۂ گیسو شدن
پنجۂ مژگاں بہ خود بالیدنی رکھتا ہے آج

Ae Asad hai musta'id shaana-e-gesu shudan
Panja-e-mizhgaan ba-khud baaleedani rakhta hai aaj

ऐ 'असद' है मुस्तइद शाना-ए-गेसू शुदन
पंजा-ए-मिज़्गां ब-ख़ुद बालीदनी रखता है आज