مستوجب ظلم و ستم و جور و جفا ہوں
ہر چند کہ جلتا ہوں پہ سرگرم وفا ہوں

Mustaujib-e-zulm-o-sitam-o-jaur-o-jafa hoon
Har chand ke jalta hoon pe sargarm-e-wafa hoon

मुस्तौजिब-ए-ज़ुल्म-ओ-सितम-ओ-जौर-ओ-जफ़ा हूँ
हर चंद कि जलता हूँ पै सरगर्म-ए-वफ़ा हूँ

آتے ہیں مجھے خوب سے دونوں ہنر عشق
رونے کے تئیں آندھی ہوں کڑھنے کو بلا ہوں

Aate hain mujhe khoob se donon hunar-e-ishq
Rone ke tayein aandhi hoon kadhne ko bala hoon

आते हैं मुझे ख़ूब से दोनों हुनर-ए-इश्क़
रोने के तईं आँधी हूँ कढ़ने को बला हूँ

اس گلشن دنیا میں شگفتہ نہ ہوا میں
ہوں غنچۂ افسردہ کہ مردود صبا ہوں

Iss gulshan-e-duniya mein shagufta na hua main
Hoon ghuncha-e-afsurda ke mardood-e-saba hoon

इस गुलशन-ए-दुनिया में शगुफ़्ता न हुआ मैं
हूँ ग़ुंचा-ए-अफ़्सुर्दा कि मर्दूद-ए-सबा हूँ

ہم چشم ہے ہر آبلۂ پا کا مرا اشک
از بس کہ تری راہ میں آنکھوں سے چلا ہوں

Ham-chashm hai har aabla-e-paa ka mira ashk
Az bas ke tiri raah mein aankhon se chala hoon

हम-चश्म है हर आबला-ए-पा का मिरा अश्क
अज़ बस कि तिरी राह में आँखों से चला हूँ

آیا کوئی بھی طرح مرے چین کی ہوگی
آزردہ ہوں جینے سے میں مرنے سے خفا ہوں

Aaya koi bhi tarah mire chain ki hogi
Aazurda hoon jeene se main marne se khafa hoon

आया कोई भी तरह मिरे चैन की होगी
आज़ुर्दा हूँ जीने से मैं मरने से ख़फ़ा हूँ

دامن نہ جھٹک ہاتھ سے میرے کہ ستم گر
ہوں خاک سر راہ کوئی دم میں ہوا ہوں

Daaman na jhatak haath se mere ke sitam-gar
Hoon khaak-e-sar-e-raah koi dam mein hawa hoon

दामन न झटक हाथ से मेरे कि सितम-गर
हूँ ख़ाक-ए-सर-ए-राह कोई दम में हवा हूँ

دل خواہ جلا اب تو مجھے اے شب ہجراں
میں سوختہ بھی منتظر روز جزا ہوں

Dil-khwaah jala ab to mujhe ae shab-e-hijraan
Main sokhta bhi muntazir-e-roz-e-jaza hoon

दिल-ख़्वाह जला अब तो मुझे ऐ शब-ए-हिज्राँ
मैं सोख़्ता भी मुंतज़िर-ए-रोज़-ए-जज़ा हूँ

گو طاقت و آرام و خور و خواب گئے سب
بارے یہ غنیمت ہے کہ جیتا تو رہا ہوں

Go taaqat-o-aaraam-o-khor-o-khwaab gaye sab
Baare yeh ghaneemat hai ke jeeta to raha hoon

गो ताक़त-ओ-आराम-ओ-ख़ोर-ओ-ख़्वाब गए सब
बारे यह ग़नीमत है कि जीता तो रहा हूँ

اتنا ہی مجھے علم ہے کچھ میں ہوں بہر چیز
معلوم نہیں خوب مجھے بھی کہ میں کیا ہوں

Itna hi mujhe ilm hai kuch main hoon behar cheez
Maaloom nahin khoob mujhe bhi ke main kya hoon

इतना ही मुझे इल्म है कुछ मैं हूँ बहर चीज़
मालूम नहीं ख़ूब मुझे भी कि मैं क्या हूँ

بہتر ہے غرض خامشی ہی کہنے سے یاراں
مت پوچھو کچھ احوال کہ مر مر کے جیا ہوں

Behtar hai gharaz khaamoshi hi kehne se yaaraan
Mat poochho kuch ahwaal ke mar mar ke jiya hoon

बेहतर है ग़रज़ ख़ामोशी ही कहने से याराँ
मत पूछो कुछ अहवाल कि मर मर के जिया हूँ

تب گرم سخن کہنے لگا ہوں میں کہ اک عمر
جوں شمع سر شام سے تا صبح جلا ہوں

Tab garm-sukhan kehne laga hoon main ke ik umr
Joon shama sar-e-shaam se ta-subh jala hoon

तब गर्म-सुख़न कहने लगा हूँ मैं कि इक उम्र
जूं शम्अ सर-ए-शाम से ता-सुब्ह जला हूँ

سینہ تو کیا فضل الٰہی سے سبھی چاک
ہے وقت دعا میرؔ کہ اب دل کو لگا ہوں

Seena to kiya fazl-e-ilaahi se sabhi chaak
Hai waqt-e-dua Mir ke ab dil ko laga hoon

सीना तो किया फ़ज़्ल-ए-इलाही से सभी चाक
है वक़्त-ए-दुआ 'मीर' कि अब दिल को लगा हूँ